Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Президент Илһам Әлиjевин Брүссел сәфәри заманы НАТО-нун баш катиби Андерс Расмуссен икитрәфли данышыглардан сонра Азадлыг Радиосунун журналистинин вердиjи суала ҹаваб олараг билдириб ки, Азәрбаjҹанда сиjаси мәһбус jохдур.
Илһам Әлиjев ҹавабында билдириб ки, Азәрбаjҹанда сиjаси мәһбусун олмамасы АШПА-нын өтән илин jанвар аjында сиjаси мәһбусларла бағлы ҝүндәлиjә чыхарылан гәтнамәнин әлеjһинә сәс вермәклә дә тәсдигләjиб.
Хатырладаг ки, 2013-ҹү илин jанвар аjынын 19-да АШПА-нын гыш сессиjасында гурумун Азәрбаjҹан үзрә олан сиjаси мәһбуслар үзрә мәрузәчиси Кристоф Штрассер сиjаси мәһбусларла бағлы топлантыjа гәтнамә тәклиф етмишди анҹаг сәсвермәдә гәтнамә гәбул олунмады.
Ону да геjд едәк ки, Штрассери Илһам Әлиjев һакимиjjәти 3 ил мүддәтиндә бир дәфә дә олсун мандаты үзрә Азәрбаjҹана бурахмады. Бундан башга Илһам Әлиjев ҹавабында ону да геjд едиб ки, Азәрбаjҹан вәтәндашлары арасында jерли мәһкәмәләрдән наразы галдыглары һалда вә әдаләтсизликлә үзләшдикләри һалда Авропа Инсан Һаглары мәһкәмәсинә үз тута биләрләр ки, бу мәһкәмәнин дә гәрарларыны Азәрбаjҹан һакимиjjәти jеринә jетирир.
Даһа сонра Президент ону да әлавә етди ки, үмумиjjәтлә сиjаси мәһбус термининин универсал изаһы олсаjды jахшы оларды. Бу президентин дедикләридир.
Илһам Әлиjевин дедикләрини шәрһ едәркән биринҹи ондан башламалыjыг ки, АШПА-нын топлантысына сиjаси мәһбуслар үзрә елә бу гурум тәрәфиндән гәбул олунмуш вә мандат верилмиш Кристоф Штрассери Азәрбаjҹан һакимиjjәтинин үч ил мүддәтиндә бир дәфә дә олсун өлкәjә бурахмамасы вәзиjjәтин нә jердә олдуғуну ҝөстәрир.
Икинҹиси, әдаләтсизликдән наразы галыб jерли мәһкәмә инстансиjаларыны кечәрәк Авропа мәһкәмәсинә ҝедиб чыхмаг үчүн һеч олмаса 3 ил вахт лазымдыр вә бундан сонра да һеч олмаса 5-7 ил орда нөвбә ҝөзләмәк лазым ҝәлир ки, 10 ил мүддәтинә дә нә сиjаси мәһбус сағ гала биләр нә дә кимсә онун ишинә бахар.
Үчүнҹүсү, президент jанылыр, белә ки, артыг чохданда Авропа Шурасына дахил олан өлкәләр үчүн “сиjаси мәһбус” терминин универсал изаһы мүәjjәнләшиб вә орда деjилир ки, сиjаси мотивләрлә һәбс олунан шәхсләр “сиjаси мәһбус”, сөз азадлығы вә jа инсан һагларыны тәләб етдиjи үчүн һәбс олунан шәхсләр исә “виждан мәһбусу” һесаб олунур.
Илһам Әлиjевә суал үнванлаjан журналист Илгар Мәммәдов вә Анар Мәммәдлинин дә адыны чәкиб анҹаг Илһам Әлиjев дә мәлум ҹавабы вериб.
Илгар Мәммәдов бир сиjасәтчи кими президент сечкисиндә намизәдлиjи ирәли сүрүлмүш вә сонрадан сахта, даһа доғрусу абсурд иттиһамларла һәбс олунмуш шәхсдир вә бу һәбслә бағлы реаксиjа верән бүтүн беjнәлхалг тәшкилатлар о ҹүмләдән Авропа тәсисатлары Илгар Мәммәдову сиjаси мәһбус кими таныjыб. Еjнилә дә сечкиләрин мониторингини һәjата кечирән Анар Мәммәдову виждан мәһбусу кими таныjыблар.
Мөвҹуд вәзиjjәтдән сонра Илһам Әлиjевин вердиjи ҹаваб садәҹә олараг президентин вәзиjjәтдән чыхмасы кими гәбул етмәк олар, анҹаг ҝөрүндүjү кими чыха билмәди. Бир ваҹиб мәгам да геjд олунмалыдыр, jәгин һеч кимә сирр деjил ки, Илһам Әлиjев һакимиjjәтдә галмаг үчүн, игтидардан ҝетмәмәк үчүн Шеjтанын өзү илә белә әлбир олмаға һазырдыр вә елә әлбир дә олуб.
Буна ҝөрә Илһам Әлиjев АШПА вә диҝәр гәрб даирәләриндә онун һакимиjjәтдә галмасына хидмәт етмәк үчүн лоббиләрә милjардларла авро пул хәрҹләjир вә “күрү дипломатиjасы” ифадәси дә елә бурдан jараныб. Бу да о демәкдир ки, өтән ил АШПА-да сәсвермәдә Штрассерин тәгдим етдиjи гәтнамәнин гәбул олунмамасынын сәбәби дә елә Авропа парламентиндә Әлиjевин пулла әлә алдығы депутатларын Азәрбаjҹан һакимиjjәтинә вердиjи дәстәк олуб.
Биз ону да геjд едәк ки, бу ҝүн Азәрбаjҹанда сиjаси мәһбуслардан башга һәм дә виждан мәһбуслары вар, онларын да арасында ән чохусу һиҹаба азадлыг тәләб едән 300 нәфәрә гәдәр олан диндар фәаллардыр ки, онлар мүхтәлиф сахта вә шәр иттиһамларла әлиjев режиминин репресиjа машынынын гурбаны олублар вә һәбсә атылыблар.
Илһам Әлиjевә пула ҝөрә дәстәк верән авропалы депутатлар вә сәфирләр Азәрбаjҹан халгына зәрбә вурмуш олур.
Башга мараг доғуран бир мәгам да будур ки, һеч дә һәмишә Илһам Әлиjевә бу ҹүр суаллары вермәк имканы олан журналистләр олмур, Азадлыг Радиосунун мүхбири суалында ҹәми ики мәһбусун адыны чәкир, диндар мәһбусларла бағлы исә һеч бир суал вермир. Бурдан о нәтиҹәjә ҝәлмәк олар ки, jәгин һансыса бир даирәдә, мәтбуат органында елә журналистләр олмалыдыр ки, онлар да Илһам Әлиjевлә ҝөрүшмәк имканы әлдә едиб она диндар мәһбусларла бағлы суал версин. Бәлкә дә бу ҹүр имкан Азәрбаjҹанда мүмүкүн деjил һансыса башга бир өлкәдә мүмкүн олар, анҹаг һәлә ки, бу ҹүр журналистләр jохдур.
Диггәт: Хәбәрдән истифадә етдикдә мәнбәjә истинад лазымдыр
