Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Рәбиул-Әввәл аjынын 19-у Һәзрәти Муһәммәдин (сәлләллаһу әлеjһи вә алиһ) доғум ҝүнүдүр. Геjд едәк ки, бу илин jанвар аjында милади вә һиҹри тарих үст-үстә дүшүр. Әһли-сүннә мәзһәби пеjғәмбәрин мөвлуд ҝүнүнү Рәбиул-Әввәл аjынын 12-си геjд едир. Бу фикир аjрылығына бахмаjараг, Исламын бүтүн тәригәтләрини Пеjғәмбәримизин (с) доғум ҝүнүнә һәср олунмуш «Вәһдәт һәфтәси» бирләшдирир. Гуранын «Һуҹурат» сурәсинин 10-ҹу аjәсиндә деjилир: «Һәгигәтән, мөминләр гардашдырлар!”
Пеjғәмбәрин (сәлләллаһу әлеjһи вә алиһ) доғум ҝүнү әрәфәсини Ислам дүнjасынын бирлик һәфтәси кими геjд олунмасы Аjәтуллаһ Мусәви Хомеjнинин тәшәббүсүдүр. Гыса бир заманда бу тәклиф бүтүн Ислам дүнjасы тәрәфиндән гәбул едилди. Мөвзуну Исламинсеси.аз саjты үчүн илаһиjjатчы алим Зүлфүгар Микаjылзадә шәрһ едир.
-Ислам пеjғәмбәри һәзрәти Мәһәммәдин (сәлләллаһу әлеjһи вә алиһ) доғуму дүнjамызы неҹә дәjишди?
- Аллаһ-Тәала Гурани-Кәримин «Әнбиjа» сурәсинин бир нечә аjәсиндә һәзрәти Мәһәммәд (сәлләллаһу әлеjһи вә алиһ) пеjғәмбәрин аләмләрә рәһмәт олараг ҝөндәрилдиjини билдирир. Аллаһ сонунҹу пеjғәмбәри вә Ислам динини бүтүн бәшәриjjәтин, хүсусилә дә мүсәлманларын бирлиjи үчүн ҝөндәриб.
Бу мәнада һәҹҹ мәрасимләри, дини аjинләрин маһиjjәти мүсәлманлар арасында вәһдәти бәрпа етмәкдән ибарәтдир.
Һәзрәти Мәһәммәд (сәлләллаһу әлеjһи вә алиһ) аләмләрә рәһмәт олараг ҝөндәрилибсә, бу рәһмәтин ән бөjүк тәзаһүрләриндән бири вәһдәтдир. Башга бир тәрәфдән вәһдәт бәшәриjjәтин гардашлыг рәмзидир. Әҝәр ҹәмиjjәтдә вәһдәт варса, инсанлар бир-биринә гардашдыр.
Она ҝөрә дә Гурани-Кәримин Али-Имран сурәсинин 103-ҹү аjәсиндә деjилир: “Вә һамылыгла Аллаһын ипиндән (диндән, китабдан вә вәһjи ҝәтирәнләрдән) мөһкәм jапышын вә парчаланмаjын. Аллаһын сизин барәниздә бир-биринизлә дүшмән икән гәлбләриниз арасында үлфәт jаратдығы замандакы немәтини хатырлаjын ки, Онун немәти саjәсиндә бир-биринизлә гардаш олдунуз. Һәмчинин сиз од учурумунун астанасында идиниз, сизи ондан хилас етди. Аллаһ Өз (товһид, гүдрәт вә һикмәт) нишанәләрини сизин үчүн бу ҹүр бәjан едир ки, бәлкә һидаjәт оласыныз.”
- Һәзрәти Мәһәммәд (сәлләллаһу әлеjһи вә алиһ) пеjғәмбәрин дүнjаjа ҝәлишинин маһиjjәтини вә дәjәрини Азәрбаjҹан ҹәмиjjәти лазымынҹа гиjмәтләндирә билирми?
- Тәкҹә Азәрбаjҹан ҹәмиjjәти деjил, һәм дә дининдән асылы олмаjараг бүтүн бәшәриjjәт Мәһәммәдин (сәлләллаһу әлеjһи вә алиһ) дәjәрини гиjмәтләндирә билмәjиб. Бундан сонра да чәтин ки гиjмәтләндирсин. Инсанлар сонунҹу пеjғәмбәрин бөjүклүjүнү, Әһли-Беjтин кимлиjини геjбә чәкилән Аллаһын хәлифәси -12-ҹи Имам һәзрәти Меһди (әҹҹәләллаһу тәала фәрәҹәһу шәриф) зүһур едәндә анлаjаҹаглар. Чүнки Имам Меһди (әҹҹәләллаһу тәала фәрәҹәһу шәриф) ҝәлмәjинҹә, ҹәмиjjәт Исламын дәjәрини баша дүшә билмәjәҹәк. Һәтта о ҹәмиjjәт инкишаф етмиш олса белә.
-Нә үчүн Имам Хомеjни «Вәһдәт һәфтәсинин» геjд олунмасынын ваҹиб һесаб етди?
- Бунун бир нечә сәбәби вардыр. Бу сәбәбләрдән бири әһли-сүннә мәзһәбинин Ислам пеjғәмбәринин доғум ҝүнүнү рәбиул-әввәл аjынынын 12-дә олмасы иддиасы илә бағлыдыр. Онлардан фәргли олараг шиә мәзһәби пеjғәмбәрин мөвлудуну рәбиул-әввәл аjынын 18-дә геjд едир. Бу мәсәләдә ихтилафын арадан галхмасы үчүн рәбиул-әввәл аjынын бир һәфтәси «Вәһдәт һәфтәси» елан едилиб. Имам Хомеjни кими бир шәхсиjjәтин белә бир гәрар верилмәси символик деjил.
Һесаб едирәм ки, бүтүн мүсәлманлар бу васитә илә бөjүкләрини динләмәклә араларында олан проблемләрини һәлл едә биләр.
Диггәт: Хәбәрдән истифадә етдикдә мәнбәjә истинад лазымдыр
