Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Авропа Иттифагы Азәрбаjҹана икили стандартларла jанашыр. Чүнки зәнҝин енержи ресурсларынын саһиби олан авторитар сиjаси режим Авропа ширкәтләринә өз өлкәсиндә фәалиjjәт ҝөстәрмәjә имкан верир. Авропа Иттифагы енержи мәсәләсиндә Русиjанын асылылығындан хилас олмаг үчүн мүхтәлиф мәнбәләрдән енержи ресурсларыны әлдә етмәк истәjир.
Бу jаj Авропа Иттифагы нәһаjәт, алтернатив газ маршруту мәсәләсини һәлл еләди. Азәрбаjҹананын “Шаһдәниз” газ консорсиумундан чыхарылаҹаг газ “Набукко” әвәзинә “Атанс-Адриатик” газ кәмәри васитәсилә Јунаныстан вә Албаниjадан кечмәклә Италиjаjа чатдырылаҹаг. Бу газ кәмәри васитәсилә иллик 20 милjард куб метр газ данышмасы нәзәрдә тутулуб.
Бунунла белә, Авропа өзүнү дәjәрләрә гаршы марагларын тәләсинә салыб. Брүссел вә Страсбургдакылар Әлиjевләр аиләсилә “ҝизләнпач” оjнаjыб гуртарана гәдәр Азәрбаjҹандакы авторитар режим ҹәзасызлыг шәраитиндә чичәкләнмәкдә давам едәҹәк. Авропа Иттифагынын Русиjанын газ асылылығындан хилас олмасынын бәдәли авторитар режимлә әмәкдашлыг етмәсидир. Хариҹи сиjасәт мәсәләсиндә Москва кими Бакынын да амбисиjасы jохдур, о бахымдан ки, онларын һәр икисини Авропа дәjәрләрилә зиддиjjәт тәшкил едән еjни сиjаси мәдәниjjәт бирләшдирир.
Диггәт: Хәбәрдән истифадә етдикдә мәнбәjә истинад лазымдыр
