Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Исламчы мәһбус Руфулла Ахундзадә jенидән Әдлиjjә Назирлиjи Баш Тибб Идарәсинин Мүалиҹә Мүәссисәсинә jерләшдириб.
Бу һаггда ачыглама верән Анар Гасымлы билдириб: “Һәкимләрдән наразылығы jохдур, амма онун мүалиҹәси үчүн лазым олан дәрманлары аилә үзвләри ҝәтирир. Бунлар исә баһалы дәрманлардыр. Аиләсинә әзиjjәт вермәмәк үчүн тапшырыб ки, даһа она дәрман ҝәтирмәсинләр. Јәни дәрманлардан имтина едиб. Бу исә онун һәjаты үчүн тәһлүкәлидир”.
Вәкил деjиб ки, сонунҹу әфв сәрәнҹамындан габаг Руфулла Ахундзадәjә дә тәкидлә тәклиф олунуб ки, әфв әризәси jазсын, о исә буна разылашмаjыб: “Өзүнүн дедиjинә ҝөрә, артыг 8-ҹи дәфәдир ки, әфв әризәси jазмагдан имтина едир”.
Руфулла Ахундзадә 2011-ҹи илин jанвар аjында тутулараг Бакы Ағыр Ҹинаjәтләр Мәһкәмәсинин һөкмү илә 11 ил 6 аj азадлыгдан мәһрум едилиб. Исламчы бу илин маjында кәскин миокард инфаркты кечириб вә Әдлиjjә Назирлиjи Баш Тибб Идарәсинин Мүалиҹә Мүәссисәсиндә мүалиҹә алыб. Низами Раjон Мәһкәмәси исламчы мәһбусун сәһһәтинә ҝөрә азад олунмагла бағлы вәсатәтини ики дәфә ҝери гаjтарыб.
Диггәт: Хәбәрдән истифадә етдикдә мәнбәjә истинад лазымдыр
