Әһли Беjт (әлеjһимус сәлам) -АБНА- Хәбәр Аҝентлиjи- “Мәмур ниjә гудурур?” (“Азадлыг” гәзети 02 октjабр, 2013) башлыглы көшә jазысында әмәкдашымыз Натиг Ҝүләһмәдоғлу Бакы Дөвләт Университетиндә Мүавиjjәнин оғлу Језидин шеирләрин тәдрис материалы олдуғуну геjд етмишди.
Бу мәлуматы мараглы билиб кичик бир арашдырмаг апардыг вә бәлли олду ки, мәлумат кифаjәт гәдәр әсаслыдыр.
Бу мәлуматын сүбуту гисминдә В. Иванов вә Ј. Ҝладкованын мүәллифләри олдуғу “Фарс дили дәрслиjи. 2-ҹи һиссә” китабынын скан олунмуш сәһифәләри өз әксини тапыр. Китабын 20-ҹи сәһифәсиндә Језидин “Еj саги! Ағзынаҹан долдур бадәми!” адлы шеири верилиб.
Нөвбәти сәһифәдә исә шеирин шәрһиндә jазылыб: “Биринҹи мисра әрәбҹәдир. Бу әрәб шаири Језид ибн Мүавиjәнин шеириндән игтибасдыр. Әрәб гәзәлинин икинҹи һиссәси гәзәлин сонунда jерләшир.” Нәзәрә алсаг ки, әрәб әдәбиjjатында Језид ибн Мүавиjә адында икинҹи шаир олмаjыб, сөһбәтин мәһз Имам Һүсеjнинин гатилиндә ҝетдиjи аjдын олур.
Кәрбәла фаҹиәсинин баискары Језид ибн Мүавиjә диктатор олмагла jанашы һәм дә шаир иди. Онун шеирләринин әксәриjjәти шәрабхорлуғу, арвадбазлығы, гумар алудәчилиjини вә диҝәр һеjвани хисләтләри тәблиғ едир. Һз. Мәһәммәдин пеjғәмбәрлиjини инкар едән “Леибәт Һәшимун билмүлки, Фә ла хәбәрун ҹае вә ла вәһjун назил” (“Бәни Һәшим гәбиләси сәлтәнәт илә оjнаjыб, Белә исә нә бир хәбәр ҝәлиб, нә бир вәһj назил олуб”) шеири дә мәһз Језидин гәләминә мәхсусдур.
Диггәт: Хәбәрдән истифадә етдикдә мәнбәjә истинад лазымдыр
