Вилаjәти-фәгиһ мүсәлман вә шиә аләминә ән бөjүк немәтләрдән биридир. Әҝәр шиә аләминдә jүзләрлә мүҹтәһид олса, амма вәлиjjи-фәгиһ олмаса, Имам Заманын (әҹ) геjб дөврүндә шиә иҹтимаи, сиjаси вә дини һәjатда өзүнү горуjа билмәjәҹәк. Геjб заманы шиәнин иззәти вилаjәти-фәгиһ олан дөврдә ҝөрүнүр. Бир мисал чәкәк. Тәгрибән jүз ил өнҹә вәһабиләр шиәләрин вә мүсәлманларын мүхтәлиф мүгәддәс шәһәрләринә һүҹүм едиб бу шәһәрләри хараба гоjублар. Мәсәлән, бир ҝүн әрзиндә Кәрбәла шәһәрини виран едиб, Имам Һүсеjнин (ә) һәрәмини дағытдылар вә jерини шумладылар. Кәрбәла сакинләри (о инсанлар ки һәр ил Һүсеjнә ҝөрә башларыны jарардылар) о шәһәри тәрк едиб гачдылар. Һалбуки, о заман Кәрбәлада вә Нәҹәф шәһриндә jүзләрлә мүҹтәһид вә мәрҹәи-тәглид jашаjырды. Онлар бөjүк вә әзәмәтли алимләр идиләр. Сизҹә, бу алимләр ниjә бир иш ҝөрә билмәдиләр, бу ҹинаjәтләрин гаршысы алынмады? Һалбуки, инди тәкҹә вәһабиләр вә сәләфиләр jох, Әл-гаидә, һәтта Америка, Исраил вә онларла башга өлкә чалышырлар Суриjада Ханым Зеjнәбин (с.ә) вә Рүгәjjәнин (с.ә) һәрәмини дағытсынлар, ораны виран етсинләр. Амма ҝөрдүjүнүз кими 3 илдир бу ниjjәтләрини һәjата кечирә билмирләр. Сизҹә нә үчүн? Артыг шиәләр бүтүн дүнjада зүлмә, күфрә меjдан охуjур. Һал-һазырда шиәләрин тәкҹә дини елмләр jох, һәм дә дүнjәви елмләрдә демәjә сөзү вар. Шиәнин Һизбуллаһы вар. Шиә 33 ҝүнлүк мүһарибәдә Исраили хар етди. Артыг шиә алими шаһларын сараjында бир мүшавир кими танынмыр. Узун илләр залым шаһлар алимләри тәһгир едиб, онлары репрессиjаjа мәруз гоjуб. Мүсәлман вә шиә алимләри ән jахшы һалда сараjа нүфүз едиб мүшавир сечилирдиләр. Амма шаһын гаршысында тәзим етмәjә мәҹбур идиләр.
Заман дәjишди. Артыг шиә алими өзү рәһбәрдир вә бүтүн дүнjа онунла мүзакирә апармаға мәҹбурдур. Онун сөзләрини вә рәjләрини стратежи арашдырма мәркәзләриндә мүзакирәjә чыхарырлар. Артыг шиә аләминин рәһбәри шиәләри өз башыны jох, залымларын башыны jармаға дәвәт едир, мүгавимәтә чағырыр.
СИЗҸӘ ИНДИКИ ШИӘ ВӘ ИСЛАМ АЛӘМИНИ 100 ИЛ ӨНҸӘКИНДӘН ФӘРГЛӘНДИРӘН НӘДИР? ВИЛАЈӘТИ-ФӘГИҺ ВӘ ВӘЛИЈЈИ-ФӘГИҺ! Бәли, ҹаваб дүздүр! Мин илләрлә һаггында бәһс етдиjимиз вилаjәти-фәгиһ үсул-идарәсини Имам Хомеjни (р) китаблардан чыхардыб ону ҹанландырды, она һәjат бәхш етди. Иҹтимаи вә сиjаси мәсәләләрдә шиә аләминин ваһид мәркәздән идарә олунмасыны һәjата кечирди. О, һакимиjjәт тәшкил етди (Вилаjәти-фәгиһ һакимиjjәти). Бу һакимиjjәт мәсум имам тәрәфиндән идарә едилмәдиjинә ҝөрә онун чатышмаjан ҹәһәтләринин олмасы лабүддүр. Амма бу һакимиjjәт һеч шүбһәсиз мәсум имамын вә ИМАМ ЗАМАНЫН (әҹ) һимаjәсиндә олан һакимиjjәтдир. Чүнки өтән 1000 ил әрзиндә Аллаһ вә онун имамы үчүн мүсәлманларын иззәтли вә хошаҝәлән һалы индики вәзиjjәтдир. Һал-һазырда ИМАМ ХАМЕНЕИ бу ағыр jүкү вә баjрағы чиjнинә алиб, ВӘЛИЈЈИ-ФӘГИҺ jүкүнү гәбул едиб. Бу ҝүн дүшмәнин белини гыран вилаjәти-фәгиһин вүҹудудур. Дүшмән һазырдыр минләрлә мәсҹид тиксин, өзү истәjән Исламы тәблиғ етсин, баш jаранларын саjыны артырсын, һәтта милjардларла бүдҹә аjырыб Амерка Исламыны тәблиғ едән, jахуд ифратчы алим вә мүҹтеһиднүмалар jетишдирсин (әһли сүннәни вә онларын мүгәддәс саjдыгларыны ачығ-ашкар ләнәтләjән, дүнjадан хәбәрсиз алимләр нәзәрдә тутлур), амма бир нәфәр вилаjәти-фәгиһә бағлы әгидәси мөһкәм шиә jетишмәсин. Чүнки вәлиjjи-фәгиһи олан шиә Ислам динини анҹаг намаз вә оруҹ, хүмс вә зәкатда хүласәләшдирмир. О, дини Аллаһ тәрәфиндән ҝөндәрилмиш конститусиjа һесаб едир (ДИН - сағлам һәjат конститусиjасы) вә буна әсасән дүнjада һеч бир шеjи диндән аjры һесаб етмир. О, Ислам динини вә онун ганунларыны jалныз мәсум имамын дөврүнә аид етмир. О һәр заман вилаjәти-фәгиһин баjрағы алтында инсаниjjәт вә бәндәлик конститусиjасыны, милли-мәнәви дәjәрләри мүдафиә етмәjә һазырдыр.
Һал-һазырда бүтүн дүнjада вә вәтәнимиз Азәрбаjҹанда Ислам дүшмәнләри тәрәфиндән вилаjәти-фәгиһ мәсәләсинә гаршы чиркин тәблиғат иҹра олунмагдадыр. Бәзи "моллалар" вилаjәти-фәгиһи инкар едиб ихтилаф jарадыр, Ислам дүшмәнләриндән күлли мигдарда пул алырлар.
Еj мүсәлман! МӘҜӘР Исламда һәр мәсәлә һәлл олду, галды вилаjәти-фәгиһ мәсәләси ки, ону баjраг едиб мүсәлманлар арасында ихтилаф салырсыныз?! Әҝәр истәнилән бир шәкилдә вилаjәти-фәгиһ мөвзусу сизин үчүн сүбута jетмәjибсә, jенә дә һаггыныз jохдур ки, ону ихтилаф амили гәрар верәсиниз. Вилаjәти-фәгиһ мөвзусунун һәгигәт олмадығыны һеч вахт сүбүт едә билмәзсиниз. Белә бир һалда ким сизә ихтиjар вериб ки, ән азы зәрәрсиз бир мөвзуну шиәләр арасында ихтилаф амили гәрар вериб дини ҹамеәләри проблемлә үзбәүз гоjасыныз?! Горхун Аллаһдан! Сизҹә индики зүлм дүнjасында вә вәһдәт ваҹиб олан вахтда Имам Заманын (әҹ) дәрди вә проблеми анҹаг вилаjәти-фәгиһ мәсәләсидир?
Һал-һазырда вилаjәти-фәгиһ Ислам аләми үчүн бөjүк немәтдир. Ҝәлин онун гәдрини биләк. Дүшмәнин сөзүнү тәкрарламаjаг, аjыг вә бәсирәтли олаг, күфрә гаршы даjананы һимаjә едәк. Дүшмәни пислиjәнә арха дураг вә дүшмәни зәифләдән нөгтәләри таныjаг. Аллаһа мин шүкүрләр олсун ки, һал-һазырда чохсаjлы мүҹтеһидләримиз вәлиjjи-фәгиһин архасында дағ кими даjаныблар, ону һимаjә едирләр, ону дуа едирләр. Мәсәлән, Аjәтуллаһ Систаниләр, Мәкарим Ширазиләр, Нури Һәмәданиләр, Вәһид Хорасаниләр, Ҹавади Амолиләр, Сафи Ҝүлпаjҝаниләр…
Алим вар ки, онун бир сөзү мүсәлманлар арасында вәһдәтә сәбәб олур, дүшмәнин белини гырыр, һагг ҹәбһәсини руһландырыр. О, фәтва вә һөкм верәндә анҹаг өз әтрафына бахмыр, бүтүн дүнjанын вә мүсәлман аләминин хеjирини нәзәрә алыр. Алим дә вар ки, онун һәр сөзү шиәләр арасында ихтилафа сәбәб олур, шиә-сүнни дүшмәнчилиjини ҝүҹләндирир, дүшмәни севиндирир, һагг уғрунда чалышанлары руһдан салыр. Дүшмәнин 10 илә вура билмәjәҹәjи зәрбәни беләләри бир ҝүнә вурур. Бу ҹүр алимә деjирләр бәсирәтсиз!
Аллаһ бизи Имам Заманын (әҹ) вә вәлиjjи-фәгиһ Аjәтуллаһ Хаменеинин әсҝәрләриндән гәрар весин иншаллаһ. АМИН
Тоһид Ибраһимбәjли
Диггәт: Материалдан истифадә етдикдә мәнбәjә истинад лазымдыр
