Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, вәкил Анар Гасымлы 11 саjлы Ҹәзачәкмә Мүәссисәсинә баш чәкәрәк Азәрбаjҹан Ислам Партиjасынын лидери Мөвсүм Сәмәдовла ҝөрүшүб. О, мәһбусдан бир нечә суала ҹаваб алыб.
Мөвсүм Сәмәдов билдириб ки, президентә әфв әризәси илә мүраҹиәт етмәк фикриндә деjил: “Әфви о шәхс истәjә биләр ки, һәгигәтән дә һансыса бир ҝүнаһ әмәл вә jахуд ҹинаjәт төрәтмиш олсун. Бүтүн иҹтимаиjjәтә бәллидир ки, исламчыларын һәбси сиjаси сифаришдир. Бу һәбсин әсас сәбәби дини атрибутлара гаршы аддымлара вә әдаләтсизлиjә етиразымыз олуб. Бу һалда ким кимдән вә нәjә ҝөрә әфв истәмәлидир?”
Рәһбәри олдуғу партиjанын президент сечкисиндә Әдаләт Партиjасынын сәдри Илjас Исмаjыловун намизәдлиjини дәстәкләмәсинә ҝәлинҹә, Мөвсүм Сәмәдов деjиб ки, jахын ҝүнләрдә партиjанын рәһбәрлиjиндә тәмсил олунан шәхсләрлә ҝөрүшү ҝөзләнир, ҝөрүшдән сонра бу мәсәләjә мүнасибәт билдирәҹәк.
Доктор Мөвсүм Сәмәдов 2011-ҹи илин jанварындан һәбсдәдир. О, һакимиjjәти зорла әлә кечирмә ҹәһди вә башга ағыр ҹинаjәтләрлә ШӘРЛӘНӘРӘК 12 ил мүддәтинә азадлыгдан мәһрум олунуб.
Диггәт: Хәбәрдән истифадә етдикдә мәнбәjә истинад лазымдыр
