Әһли Беjт (әлеjһимус сәлам) -АБНА- Хәбәр Аҝентлиjи- НАТО үзвләри олан өлкәләр дүнән Суријадакы кимјәви силаһдан истифадә мүзакирә етмәк үчүн топланыб. Топлантыда НАТО-нун баш катиби Андерс Фоҝһ Расмуссен мүттәфиг өлкәләрин кимјәви силаһдан истифадә едилмәсинин бејнәлхалг һүгуг вә нормаларын ачыгҹа тапданмасы мәнасына ҝәлдијини вурғулады.
"Бу һүҹумлар ҹавабсыз гала билмәз" деән Расмуссен, кимјәви силаһ истифадәсинин бүтүн дүнја вә бејнәлхалг сүлһ үчүн тәһлүкә олдуғуну билдирди.
Суријадакы вәзијјәти јахындан изләмәјә давам едәҹәјини дејән Расмуссен, НАТО-нун Түркијәјә дәстәк вермәјә вә сәрһәдини горумаға давам едәҹәјини ачыглады.
Бу арада Бирләшмиш Милләтләр Тәшкилаты мараглы бир ачыглама вериб. БМТ-ин ачыгламасына ҝөрә Суријада вәзијјәт арашдырылыб вә орда бу ҝүнә гәдәр кимјәви силаһ истифадә олунмајыб.
Гејд едәк ки, АБШ бу ҝүн Суријаја һүҹум едәҹәји ачыгланмышды. Бу һүҹума Франса, Инҝилтәрә вә Түркијә дәстәк верәҹәкди.
Диггәт: Хәбәрдән истифадә етдикдә мәнбәjә истинад лазымдыр
