Әһли Беjт (әлеjһимус сәлам) -АБНА- Хәбәр Аҝентлиjи- БМТ баш катибинин Сурија үзрә хүсуси нүмајәндәси Лаһдар Браһими бәјан едиб ки, АБШ, Бөјүк Британија вә Франса һәлә дә Суријада кимјәви силаһ тәтбигинә даир сүбутлар тәгдим етмәјибләр.
Браһими белә сүбутлар варса, онун иҹтимаијјәтә ачыгланмасынын ваҹиблијини вурғулајыб: “Билирәм ки, америкалылар, инҝилисләр, франсызлар кимјәви силаһ тәтбиг олундуғуну иддиа едирләр. Онлар әлләриндәки дәлилләри бизимлә бөлүшәҹәкләрини дедиләр, лакин һәлә дә бөлүшмәјибләр”.
Лаһдар Браһими билдириб ки, Суријада вәзијјәтини һәрби һәлл јолу јохдур вә сијаси методлардан истифадә етмәк лазымдыр: “Әҝәр һәрби әмәлијјатлар, мүдахилә барәдә гәрар гәбул олунса, шүбһә етмирәм ки, бу, Суријада вәзијјәтә тәсир ҝөстәрәҹәк, һадисәләрин инкишафыны сүрәтләндирәҹәк”.
Диггәт: Хәбәрдән истифадә етдикдә мәнбәjә истинад лазымдыр
