Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Назирләр Кабинети "Нәглијјат васитәләри сүрүҹүләринин һазырланмасы вә онларын ихтисасынын артырылмасы курслары һаггында Әсаснамәнин вә Нәглијјат васитәсини идарә етмәк һүгугу верән сүрүҹүлүк вәсигәси алмаг истәјән шәхсләрдән имтаһанларын гәбул едилмәси вә онлара сүрүҹүлүк вәсигәсинин верилмәси гајдалары һаггында Әсаснамәнин тәсдиг едилмәси барәдә" гәрарында дәјишикликләр етмишдир.
Дәјишиклијә ҝөрә, сүрүҹүлүк вәсигәсинин дәјишдирилмәси үчүн ашағыдакы һаллар әсас сајылыр:
етибарлылыг мүддәтинин гуртармасы;
саһибинин сојады, ады вә ја атасынын адынын дәјишдирилмәси;
јазыларында дәгигсизлик мүәјјән едилмәси;
јарарсыз һала дүшмәси;
итирилмәси;
јени нүмунәсинин тәсдиги нәтиҹәсиндә өлкәдә сүрүҹүлүк вәсигәләринин дәјишдирилмәси.
Сүрүҹүлүк вәсигәсинин дәјишдирилмәси саһибинин әризәси әсасында әввәлләр малик олдуғу бүтүн категоријалар сахланылмагла, имтаһансыз ГИМ тәрәфиндән 30 дәгигә әрзиндә һәјата кечирилир.
Сүрүҹүлүк вәсигәсинин дәјишдирилмәси үчүн ашағыдакы сәнәдләр тәгдим едилир:
Шәхсијјәт вәсигәси (мүвафиг олараг Азәрбајҹан Республикасынын әразисиндә әҹнәбинин шәхсијјәтини тәсдиг едән сәнәд вә ја Азәрбајҹан Республикасынын һүдудларында истифадә едилмәси үчүн вәтәндашлығы олмајан шәхсин шәхсијјәт вәсигәси);
Сүрүҹүлүк вәсигәси (сүрүҹүлүк вәсигәсинин итирилмәсинә ҝөрә онун дәјишдирилмәси һалы истисна олмагла);
ганунла мүәјјән едилмиш дөвләт рүсумунун өдәнилмәси барәдә гәбз;
Нәзәрдә тутулдуғу һалларда тибби арајыш.
Сүрүҹүлүк вәсигәсинин дәјишдирилмәсинә сәбәб онун јазыларында дәгигсизлик мүәјјән едилмәси илә бағлы олдугда дөвләт рүсуму өдәнилмир".
Диггәт: Хәбәрдән истифадә етдикдә мәнбәјә истинад лазымдыр
