Әһли Бејт (әлејһимус сәлам) -АБНА- Хәбәр Аҝентлији- Зијил, Һуман Папиллома Вирус"ун (ҺПВ) төрәтдији бир хәстәликдир. Даһа доғрусуну десәк-зијил, дәридә ҺПВ вирусунун әмәлә ҝәтирдији ХОШХАССӘЛИ БИР ШИШДИР. Дәринин һәр бөлҝәсиндә әмәлә ҝәлә биләр. Илк өнҹә ијнә башы бөјүклүкдә олур вә тәдриҹән дә бөјүјүр.
Ән чох 10-20 јаш арасы ҝөрүлүр вә бу јашдакы инсанларын 10% индә зијил мөвҹутдур. Әҝәр ҝенитал бөлҝә кәнарында вә чох сајда дејилләрсә бунун бир горхусу јохдур. Амма, бәдәнин һәр јеринә јајылмлш вә мүалиҹәјә бахмајараг тәкрарлајырларса бу иммун системин зәјифлијинә ишарә едир. Бу һалларда, заманәмиздә мүтләг АИДС биринҹи нөвбәдә дүшүнүлмәли вә мүајинә апарылмалыдыр.
Гадынларда ҝенитал бөлҝәдә јерләшән зијилләр ирәлидә ушаглыг бојну хәрҹәнҝи төрәдәҹәји үчүн мүтләг мүалиҹә олунмалыдыр!
Зијил, вирусун төрәтдији бир хәстәликдир. Она ҝөрә дә јолухуҹудур. Амма, бурда да бир әмма да вар. Вирус, јалныз дәринин дәрин тәбәгәләриндә јашаја билир. Вирусун исә дәринин дәрин тәбәгәсинә кечмәси үчүн мүтләг дәридә травма олмалыдыр! Она ҝөрә дә зијил, әсасән тәзјигәа мәруз галынан вә гашынан јерләрдә чыхар. Һәддини ашмыш маникур вә дырнаг јемәк дырнаг чеврәсиндә зијилин әмәлә ҝәлмәсини асанлашдырыр. Ајагда јерләшәнләр, әсасән һамам, һовуз зәминләри илә јолухур.
Зијилин Ислам тәбабәти илә мүалиҹәси
1 Бәдәндә олан һәр бир зиҝил үчүн 7 әдәд арпа дәнәси ҝөүрүб һәр биринә 7 дәфә Вагиә сүрәсинин илк 6 ајәсини вә һәмчинин 7 дәфә бу дуаны وَ يَسْئَلُونَكَ عَنِ الْجِبالِ فَقُلْ يَنْسِفُها رَبّى نَسْفاً فَيَذَرُها قاعاً صَفْصَفاً لاتَرى فيها عِوَجاً وَلا اَمْتاً - Охунушу: “Вә јәсәлунәкә әнил ҹибал. Фәгул, јәнсифуһа рәби нәсфа, фәјәзәруһә гаән сәфсәфә, лә тәрә фиһә ивәҹән вә лә әмтә.” охујурсан.
Даһа сонар, арпа дәнәләрин бир бир зиҝилә сүртүб, парчаја бүкәрәк, даша бағлајыб гујуја атырсан.
Бәзиләринин нәзәринә ҝөрә бу иши мүсәлман ајларынын ахырында, ајын тамами илә ҝөјдән итдији вахтда етсән даһа јахшы олар.
2 Башга бир һәдисдә исә, дејилир ки, дузу зиҝилә сүртүб, 7 дәфә Һәшр сүрәсинин 21 ајәсиндән та 24-ҹү ајәсинә кими онун үзәринә охујуб тәндирә атырсан. ИншаАллаһ тезликлә арадан ҝедәр.
3 Хәзаин китабында дејилир ки, зиҝилә Нурә сүртсән арадан ҝедәр.
ЗИјили апармаг үчүн түркәчарә
Зијилин гопуб дүшмәси үчүн, бөјүк бир соғанын ортасыны ојараг ораја дуз төкүб сахлајыр, дуз әријәндән сонра һәмин маједән ҝөтүрүб, ҝүндә бир нечә дәфә зијилин үзәринә сүртүрләр. Бунун үчүн јетишмәмиш әнҹирдән чыхан сүдү дә онун үзәринә сүртүр, ҹаван гоз ағаҹы јарпағыны биширәрәк зијил үзәринә бағлајыр, јахуд ҝиҹиткән јарпағыны бал илә тәпитмә кими гојурлар. Бу һәм дә чибанын ачылмасына көмәк едир. Әһәнҝи сиркә илә гатыб зијили сүртмәклә дә ону јандырыб арадан чыхармаг олур.
-Зијилә ҝүндә 2-3 дәфә зәнҹироту вә картоф, ја да ҝеҹә јатмаздан әввәл 1 дәфә дәмровоту ширәси сүртүн. Бу проседуру зијил там гурујуб дүшәнә гәдәр давам етдирин.
-4-5 ҝүн әрзиндә , јатмаздан әввәл, јовшанын тәзә дәрилмиш јрпагларындан вә ја сүртҝәҹдән кеширилмиш соғандан зијилин үстүнә тәпитмә гојун.
-Суланмыш зијили ҝүндә 3-4 дәфә нашатыр спирти илә, ја да гытығотунун чај содасы илә исладын.(1:1)
-Әҝәр зијил ајаг пәнҹәсинин алтындадырса, ләјәндәки 5 литр гајнар сујун үзәринә 2 х/г чај содасы төкүб, ајагларынызы 10 дәг ләјәндә сахлајын. Мәһлулун сојумамасы үчүн вахташыры ләјәнә гајнар су әлавә един. Сонра бујнузлашмыз зијили дабан дашы илә сүртүн. Даһа сонра зијилин үстүнә 1 тикә тәзә мал әти гојуб, исладылмыш кағыз салфетлә бүкәрәк, үстүнү селлофанла өртүб јапышганлы парча илә бағлајын. Јәни ачылмамасы үчүн. Бағланмыш јери, суда исланмагдан горујун. 3 ҝүндән сонра ачын, артыг Зијил итмишдир.
Диггәт: Хәбәрдән истифадә етдикдә мәнбәјә истинад лазымдыр
