Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән “Ел” һәрәкатынын Али Мәҹлисинин сәдри Елдәниз Гулијев бидириб: “Бу ҝүн “Ел” Һәрәкаты дини инанҹлы кәсимлә ҝөрүш кечириб”.
Е.Гулијев, топлантыда инанҹлы инсанларын проблемләри илә бағлы бир сыра мәсәләләрә тохунулдуғуну дејәрәк билдириб: “Тәдбирдә Азәрбајҹан иҹтимаијјәтини нараһат едән бир чох суаллар гојулду, тәклифләр сәсләндирилди. Онлар арасында Һиҹаб мәсәләсинин һәлли вә сон заманлар диндарларын һәбси вар иди”.
Һәрәкат нүмајәндәси дејиб ки, топлантыда гејд олунан мәгамларла бағлы диндарлар тәрәфиндән “Ел” һәрәкатынын рәһбәрлијинә суаллар верилиб, проблемләр мүзакирә едилиб: “Азәрбајҹанда инсанларын дини етигад азадлыглары әлиндән алыныр вә бир чох һалларда бу һүгуглар бәзи мәмурлар тәрәфиндән позулур”.
Е.Гулијевин сөзләринә ҝөрә, сечкиләрә гәдәр диндар кәсимин нүмајәндәләри илә бу типли ҝөрүшләр давам едәҹәк.
Диггәт: Хәбәрдән истифадә етдикдә мәнбәјә истинад лазымдыр
