Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Мүраҹиәт барәдә партија сәдринин сијаси мәсәләләр үзрә мүавини Акиф Һејдәрли Исламинсеси.аз порталына мәлумат верәрәк билдирмишдир ки, ајры-ајры бөлҝәләрдә вәтәндашларын шәхси тәшәббүсләри илә АИП сәдри Һаҹы Мөвсүм Сәмәдова мүраҹиәт үнванлајараг онун намизәдлијинин дәстәкләнәҹәји барәдә мүсбәт фикирдә олдугларыны ҝөстәрмәк мәгсәдилә имза топламышлар. Һүгуг мүһафизә органларынын јерли нүмајәндәләри инсанларын шәхси ирадәсинин әксинә һәрәкәт едәрәк онлары инҹитмәјә, тәһдид етмәјә ҹәһд ҝөстәрмишләр. Гејд едилмишдир ки, бу һагсыз аддымлар нәтиҹәсиндә хүсусән Губа рајонунда һәмјерлиләри М. Сәмәдовун азадлыға бурахылмасыны истәјән вә онун пассив сечки һүгугунун бәрпа олунмасына шәраит јарадылмасыны мәгсәдәујғун билән, бу фикрини имзасы илә тәсдигләјәнләрин тәгиб олунмасы вәтәндашларын азад фикир сөјләмәсинә гаршы ганунсуз гадағадыр.
Мүраҹиәтдә билдирилир ки, Милли Тәһлүкәсизлик Назири, Дахили Ишләр Назири, Республика Прокурорлуғу инсанларла гејри-етик, ганунсуз, һәрбә-зорба дили илә данышан рајон тәмсилчиләринин гаршысыны гыса мүддәтдә алмалы, өлкәдә позуҹулуг фәалијјәтләринә сон гојмалыдырлар. Әгидәли инсанлара, о ҹүмләдән исламчылара сијаси фәалијјәтләри илә сәрбәст, азад мәшгул олмаға манечилик төрәдилмәмәлидир. Демократик инкишаф јолуну сечмиш бир сијаси систем атдығы бу аддымларла ону ҝөстәрир ки, фәалијјәт даралмыш, идарәетмәдә бөһран һәдди јетишмишдир. Ајры-ајры мәмурлар бу сарсынтыдан Конститусијаја, инсан азадлыгларына гаршы чыхараг вәтәндашлары инҹидә, горхуда билмәзләр.
Мүраҹиәтдә негативликләрин тезликлә арадан галдырылмасы ҹавабдеһ шәхсләрдән тәләб олунур.
Диггәт: Хәбәрдән истифадә етдикдә мәнбәјә истинад лазымдыр
