Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Бакы Апеллјасија мәһкәмәсиндә нүфузлу руһани Һаҹы Тале Бағыровун мәһкәмә иҹласы кечирилиб.
Мәһкәмә иҹласынын гапалы кечирилмәсинә бахмајараг чох сајда инанҹлы Тале Бағырова дәстәк мәгсәди илә мәһкәмә бинасынын габағында топлашыб вә јазылы кағызларла дәстәк олуб.
Мәһкәмә иҹласы барәдә мәлумат верән вәкил Ҹавад Ҹавадов дејиб: “Биз Нәриманов рајон мәһкәмәсинә мүраҹиәт етмишдик ки, Тале Бағыров ганунсуз олараг Баш Мүтәшәккил Ҹинајәткарлыгла Мүбаризә идарәсинин мүвәггәти сахланма тәҹридханасында 24 саатдан артыг сахланылыб.
Бундан әлавә сахланылан заман аиләси илә ҝөрүшдүрүлмәјиб, ачыг һаваја чыхарылмајыб, телефон данышыглары тәмин олунмајыб вә бир сыра һүгуглары позулуб. Нәриманов рајон мәһкәмәси долајысы јолла билдирди ки, бәли, орда сахланылыб, амма һал һазырда Бакы Истинтаг тәҹридханасына ҝөндәрилиб. Јәни вердијимиз шикајәтләр тәмин олунмады.
Биз дә Нәриманов Рајон Мәһкәмәсинин гәрарындан Бакы Апеллијасија мәһкәмәсинә шикајәт вердик. Мәһкәмә иҹласында Тале Бағыровун иштиракы тәмин олунду. Тале Бағыровун өзү дә шикајәтимизи мүдафиә етди. Лакин Бакы Апеллијасија Мәһкәмәси шикајәтимизи тәмин етмәди.
Биз артыг бүтүн бу гәбул олунан бүтүн гәрарлары топлајараг Авропа мәһкәмәсинә мүраҹиәт едәҹәјик.
Мәлумат үчүн билдирим ки, мәним мүраҹиәтим әсасында Баш Прокурорун мүавинин 15 апрел гәрары илә Тале Бағырова гаршы олунан ишҝәнҹә фактлары илә бағлы арашдырмаја башлајыб. 24 ҝүндән сонра нәһајәт дүнән мәһкәмә тибби експертизасы Бакы Истинтаг тәҹридханасына ҝедиб. 24 ҝүн әрзиндә хәсарәтләрин итдији үчүн Тале Бағыров етираз олараг мәһкәмә тибби експертизасындан имтина едиб.”
Диггәт: Хәбәрдән истифадә етдикдә мәнбәјә истинад лазымдыр
