"Һәгигәтән, бунда бәсирәт саһибләри үчүн бир ибрәт вардыр”. Али-Имран, 13
Чохларыны марагландыран белә бир суал вар: Бәсирәт нәдир? Бәзиләри елә дүшүнүрләр ки, бәсирәт мәгамы арифләрә мәхсус олуб инсанларын мәнәви сифәтләрини, чөһрәләрини ҝөрмәкдән ибарәтдир. Әслиндә бу ҹаваб да дүзҝүндүр. Амма ҝәлин ҝөрәк, ариф вә хүсусән дә бәсирәт сөзүнүн мәнасы јалныз будурму? Әлбәттә ки, хејр. Бу ҹаваб бәсирәт анлајышыны һеч дә там шәкилдә чатдырмыр. Асимани китаб олан Гурани-кәримә, Ислам мүгәддәсләринин һәјатына вә сөзләринә, еләҹә дә Имам Әлинин (әлејһи сәлам) бәшәријјәтә јадиҝар гојдуғу Нәһҹүл-бәлағә китабындакы гызылдан гијмәтли кәламлара диггәтлә нәзәр јетирсәк, бәсирәт мәфһумунун там мәнасыны анлаја биләрик. Әсл бәсирәт һәм дә иҹтимаи-сијаси аҝаһлыг, дүшмән вә онун һијләсинә гаршы узагҝөрәнлик, онун һүҹумундан өнҹә буна һазырлыг, һәр ан гаршыја чыхан иҹтимаи-сијаси фитнәләр заманы зирәклик ҝөстәрмәк вә бу фитнәләрдән үзүағ чыхмаг демәкдир. Һәгиги ариф исә милләтин мәнәви сифәтләриндән хәбәрдар олан јох, өзүнү вә ҹәмијјәти гуртулуша чыхараҹаг бәсирәтә саһиб оландыр.
Бу ҝүн доғма јурдумузда, хүсусән дә дин алимләри арасында бу бәсирәт мәсәләсинә олдугҹа еһтијаҹ дујулур. Бәсирәт бир чох саһәләрдә олдуғу кими, өлкәмиздә актуал мәсәләјә чеврилән анти-Ислам аддымлара да гаршы лазым олан јенилмәз бир силаһдыр. Сон заманлар бу еһтијаҹ, өзүнү “Һиҹаб гадағасы” фитнәсиндә бүрузә верди.
Тәтбиг олунмуш Һиҹаб гадағасы вә диҝәр анти-Ислам аддымлар Азәрбајҹанда Исламын – Шиәлијин ҝүҹүнү вә нүфузуну хариҹи вә дахили дүшмәнләрә исбат етди. Онлар бир даһа әмин олдулар ки, өлкәдә Һүсејн ибн Әли (әлеһимәс сәлам) мәктәбиндән тәрбијә алмиш Руһаниләр вар, онлары һәбс вә өлүмлә сындырмаг олмаз. Амма ҝәлин ҝөрәк, бүтүн ишләр бунунла тамамланырмы? Бурада биз дин хадимләринин бојнуна дүшән вәзифә нәләрдән ибарәтдир?
Унутмајаг ки, дин уғрунда мүбаризә ҹәмијјәтин һәр бир мүбариз фәрдиндә бәсирәт, вәһдәт, шүҹаәт, мүгавимәт, һәбс, шәһадәт, тәҹрүбә вә диҝәр лазыми хүсусијјәтләри тәләб едән бир мәсәләдир. Әҝәр һәр һансы бир мүбариз шәхсдә бу садаладыгларым олмаса, нәинки мүбаризә вә мүгавимәтин мәнасы олмајаҹаг, һәтта әкс нәтиҹә верәҹәкдир. Бундан әлавә, бу дәјәрләрин топланмасы үчүн инсанда заһири шүҹаәтдән әлавә, ағыл шүҹаәтинә дә еһтијаҹ вар. Әҝәр инсанда ағыл шүҹаәти олмаса, заһири шүҹаәтин һеч бир фајдасы олмајаҹаг.
Буна мисал олараг дејә биләрәм ки, бир вахтлар башда Азәрбајҹан Ислам Партијасынын сәдри, ҹәнаб Доктор Мөвсүм Сәмәдов олмагла бир сыра узагҝөрән Руһаниләримиз бу гадағанын һакимијјәт тәрәфиндән ҝениш вүсәт алаҹағыны, тәзјигләрин гаршысында ахыра гәдәр вә әзмлә мүбаризә апармағын лазым олдуғуну вә бу мәсәләдә һакимијјәтин ҝөзәл вәдләринә инанмамағы демәклә онлары мүбаризә мејданына дәвәт етсәләр дә, бу гадағанын арадан галхмасына чалышан бәзи фәаллар бу хәбәрдарлыға әһәмијјәт вермәдиләр. Нәтиҹә мәлум, сонракы пешманчылыг исә фајдасыз олду.
Чох тәәссүфләр олсун ки, бу ҝүн дә бәзи инанҹлы вә Руһаниләр дүшмәни вә онун мәкрли планларыны дүзҝүн анламадыгларына ҝөрә, чох садәлөвһлүклә ону меһрибан ана вә ата кими гәләмә вермәк истәјирләр. Унутмаг лазым дејил ки, бу ҝүн дүшмәндән һәр шеј ҝөзләмәк олар; гадағалары артырсын, јени һәбсләрә старт версин, јахуд бу ҝүнә гәдәр ҹәллад һакимијјәти меһрибан ана кими тәгдим вә Америка исламыны тәблиғ едән илаһијјатчылара шиәликдән дәм вурмаг имканлары јаратсын, онларын васитәси илә бүтүн бу гадағалара јекун вурсун, Һиҹаб гадағасыны ҝөтүрсүн, инанҹлы кәсимә миннәт гојараг Һиҹаб мүгавимәти илә үзләшдикләри тәһлүкәни арадан галдырсын. Һәтта ола биләр ки, Ислам јолунда ҹиһад мејданы белә ачсын. Чүнки тарихдән дәрс алмыш Руһаниләр чох јахшы билирләр ки, Исламын дүшмәнләри онун әзмкар ардыҹыллары илә баҹармадыгда сијасәтләрини дәјишәрәк өзләрини авам инсанларын ҝөзүндә динә вә диндарлара гаршы меһрибан гәләмә вермиш, јери ҝәләндә дини ишләрә спонсорлуг еләмиш, Мәсҹидләр тикмиш, гадағалары азалтмыш, бәзи “руһани”ләрин тәблиғат фәалијјәтинә имкан јаратмышлар. Һәмин дырнагарасы руһаниләр исә зәманәнин залым һакимләри үчүн неҹә лазымдырса мәддаһлыг етмишләр. Тәбии ки, бу арада әсас тәрәф олан садә вә дүнјадан хәбәрсиз ҹамаат бу фитнәнин гурбанына чеврилмишләр.
Бурада бәсирәт мәфһумуна чох еһтијаҹ дујулур. Диггәт етсәк ҝөрәрик ки, шәхси мәсәләләрдә диҝәрләринә гаршы бәдҝүманлыг Исламда тәнгид олунан хүсусијјәтләрдән олса да, иҹтимаи вә сијаси мәсәләләрдә өзүнү дост, арха вә дајаг кими гәләмә верән шәхсләрә гаршы илк аддымда никбин олмаг өзү бир бәсирәтсизликдир. Белә мәгамларда ајыг вә зирәк олмаг һәм чәтин, һәм дә ваҹиб мәсәләдир. Неҹә ки, Әбузәр Мүавијәнин ону әлә алмаг үчүн ҝөндәрдији пуллар гаршысында бәсирәтлик ҝөстәрәрәк онун һијләләринә алданмады. Бәли, дүшмән рәһимсиз, һијләҝәр, ондан јахшылыг ҝөзләмәк садәлөвһлүк вә хәјанәт, онларын ојунуна ҝирмәк исә бөјук ҝүнаһдыр.
Бәли, дүшмәндән һәр шеј ҝөзләмәк олар. Атылан бүтүн бу “хејирхаһ” аддымлардан јалныз бир мәгсәд ҝүддүкләрини ҝөрмәк чох да чәтин дејил. О да бундан ибарәтдир ки, мәҹлис вә Мәсҹидләрдә Америка сајағы Исламы тәблиғ едән сарај моллалары вә руһаниләр васитәси илә дини кәсими вә милләти истәдикләри сијасәтә ујғун тәрбијә едиб, робота чевирсинләр, Исламы јалныз әјилиб-дурмагда, аҹ-сусуз галмагда хүласәләшдириб, әсл дин вә Ислам ады алтында истәдикләри сијасәтләри һәјата кечирсинләр.
Әмин олун ки, сионизм тәрәфиндән диктә олунмуш бу јени лајиһә Азәрбајҹан һакимијјәти тәрәфиндән тамашаја гојулса, бу ҝүнә гәдәр бар-бар бағырыб дини сијасәтдән ајры биләнләр вә сусуб сәсини чыхартмајан руһаниләр дә дин ады алтында апарылан бу сијаси кампанијаја чох бөјүк мәмнунијјәтлә “һә” дејәҹәк, һакимијјәти әсл Исламын тәблиғатчысы кими гәләмә верәҹәк вә халга бу залымларын етдикләри ҹинајәти, һәбсләри вә шәһидләримизи унутдураҹаглар.
Белә олан сурәтдә, узагҝөрән Руһаниләрин дүзҝүн сијаси фәалијјәтинә чох еһтијаҹ дујулур. Бундан әлавә, сијаси сәһнәдә олмајан, дәрси, пишнамазлығы, моизәси вә диҝәр бәјәнилән әмәлләри илә динә хидмәт едән Руһаниләр дә белә сијаси дәркә саһиб олмалыдырлар. Бурада мәгсәдим киминсә сијаси аләтинә чеврилмәк јох, бәсирәтли олмаг, дүшмәни таныјыб һијләләринин гаршысында дүзҝүн гәрар чыхармаг, сијаси просесләри изләмәк вә дүзҝүн тәһлил етмәкдир. Чүнки сијаси вә иҹтимаи олајлар дүзҝүн тәһлил олунмаса, инсан јолуну азар.
Аллаһа шүкүрләр олсун ки, бу ҝүн бизим Мөвсүм Сәмәдов кими бәсирәтли Руһаниләримиз аз дејил. Һаҹы чох јерләрдә узагҝөрәнликлә дүзҝүн јолу сечди. Һалбуки белә мәгамларда чохларынын ајағы бүдрәди (Јухарыдакы мисал бунун бариз нүмунәсидир). Амма тәәссүфләр олсун ки, бәзиләри биләрәкдән онун барәсиндә дүшмән дәјирманына су төкүр, бир груп авам шәхсләр исә хәбәрсизликдән ҹәмијјәтдә ону олдуғунун әксинә танытдырмаг истәјирләр. Амма мәлум мәсәләдир ки, Аллаһ уҹалтдығыны һеч кәс алчалда билмәз. Доктор Мөвсүм Сәмәдов кими Дин Алими вә узагҝөрән шәхсијјәти таныјан дост вә
