Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнән 26 Фефврал 2013 тарихдә Иран Ислам Республикасынын Мүгәддәс Гум шәһәриндә тәһсил алан Азәрбајҹанлы тәләбәләр Хоҹалы сојгырымына һәср едилмиш аним мәрасимин гејд едиб. Мәрасимин апарыҹысы Сејјид Делсуз Мүзәффәров илк өнҹә гуран тилавәти үчүн Кәрбәлаји Аллаһшүкүр Мәммәдову сәһнәјә дәвәт едиб. Сонра Гарабағ, Хоҹалы вә бүтүн Ислам шәһидләри фатиһә илә јад едилиб. Даһа сонра Хоҹали сојгырымы һаггында сәнәдли филм нүмајиш етдирилиб. Чыхыш үчүн соз Ҝоранбој шәһәр сакини Кәрбәлаји Надир Әлијевә верилиб. Н. Әлијев мүһарибә илләринин хатирәләриндән данышараг, о илләрдә халгын гәһрәман оғулларынын фәдәкарлыгларыны хүсусилә гејд едиб.
Чыхышдан сонра “Муһәммәдин (сәлләлаһу әлејһи вә алиһ) Маарифи Ишығында” Иҹмасынын Хоҹалы сојгырымы илә бағлы Бәјанатыны охумаг үҹүн Һөҹҹәтул Ислам Нәсими Әскәров сәһнәјә дәвәт едилиб.
Сонда аным мәрасими Фәрәҹ дуасы илә баша чатыб.
Гејд емәк лазымдыр ки, мәрасимлә һәмзәман Хоҹалы сојгырымы мөвзусунда сәрҝи нүмајиш етдирилиб вә мүгәддәс Гум шәһәриндә тәһсил алан мүхтәлиф өлкә вәтәндашларына Хоҹалы сојгырымы барәсиндә мәлуматлар верилиб.
“Муһәммәдин (сәлләлаһу әлејһи вә алиһ) Маарифи Ишығында” Иҹмасынын Хоҹалы сојгырымы илә бағлы Бәјанатынын там мәтнини тәгдим едирик.
Интигам Алан, Шәһидләрин Рәбби-нин ады илә
“Тарих боју Сәлиб Јүрүшләринин давамы олараг, ермәни милләтчиләри тәрәфиндән Азәрбајҹан Мүсәлман Халгына гаршы ганлы ҹинајәтләр, террор вә сојгырымы актлары төрәдилиб. 1992-ҹи ил февралын 25-дән 26-на кечән ҝеҹә Азәрбајҹанын Хоҹалы шәһәриндә ермәни силаһлы бирләшмәләринин кечмиш совет ордусунун Ханкәндиндәки 366-ҹы мотоатыҹы алајы илә бирҝә төрәтдији ҹинајәт истәр Гарабағ мүһарибәси, истәрсә дә дүнја мүһарибәләри тарихиндә дәһшәтли нәтиҹәләринә ҝөрә аналогу олмајан һадисәләрдәндир. Шәхси һејәтиндә ермәни забитләрин дә олдуғу бу алајын чохсајлы ағыр техникасы шәһәрә јеридилмиш, јашајыш евләри вә шәһәрин сосиал инфраструктуру тамамилә дағыдылмыш вә јандырылыб.
Хоҹалы сојгырымы заманы адлары бәлли олан 613 нәфәрин, о ҹүмләдән 106 гадын, 63 азјашлы ушаг, 70 гоҹанын һәјатына сон гојулмуш, 487 динҹ сакин ағыр јараланараг шикәст олуб, 1275 нәфәр әсир вә ҝиров ҝөтүрүлмүшдүр. Иткин дүшмүш 150 нәфәрин талеји индијәдәк мәлум дејилдир.
“Муһәммәдин (сәлләлаһу әлејһи вә алиһ) Маарифи Ишығында” Иҹмасы тәәссүфлә гејд едир ки, Хоҹалы, Гарабағда јалныз һәрби стратежи мөвгејинә ҝөрә дејил, һәм дә тарихи әһәмијјәтинә ҝөрә Азәрбајҹанын Мәдәни вә Мәнәви һәјатында мүһүм јер тутурду. Хоҹалы – Ҝәдәбәј Мәдәнијјәтинин тунҹ дөврүнә аид олан мәишәт нүмунәләри нәинки өлкәмиздә вә һәм дә өлкәмиздән хариҹдә белә әһәмијјәти чох јүксәк гијмәтләндирилирди. Хоҹалынын ишғал едилмәси Мәдәнијјәт Тарихимизә чох ҹидди зәрбә олмагла јанашы, ејни заманда бүтүнлүклә Гарабағын итирилмәсинә ситумул јаратды. Бу фаҹиәнин баш вермәсиндән 20 ил кечмәсинә бахмајараг, Хоҹалы сојгырымы бејнәлхалг аләм тәрәфиндән һәләдә лазыми гијмәтини алмајыб.
Биз Хоҹалы сојгырымыны вә онун гурбанларыны, тарихимизин ән фаҹиәли һадисәләриндән бири кими һеч вахт унутмур. Вә реҝионда сүлһүн бәргәрар олмасы үчүн биринҹи аддым кими БМТ-јә үзв олан бүтүн демократик өлкәләрин мүнагишә илә бағлы бејнәлхалг тәшкилатларын гәрарларынын, о ҹүмләдән ишғал олунмуш Азәрбајҹан торпагларындан Ишғалчы Ермәнистан гошунларынын дәрһал, гејд-шәртсиз вә тамамилә чыхарылмасы илә бағлы БМТ Тәһлүкәсизлик Шурасынын 822, 853, 874 вә 884 сајлы гәтнамәләринин иҹрасыны Ермәнистандан тәләб едир. Бунунла бирликдә, белә һесаб едирик ки, бу сојгырымы һадисәсинин дүнја халгларына вә дөвләтләринә таныдылмасы, тәгсиркарларын ҹәзаландырылмасы, сојгырымы гурбанларынын хатирәсинин әбәдиләшдирилмәси вә онларын сосиал мүдафиәсинин һүгуги тәминатларыны мүәјјән едилмәси саһәсиндә лазымы тәдбирләрин һәјата кечирилмәси зәруридир.
“Муһәммәдин (сәлләлаһу әлејһи вә алиһ) Маарифи Ишығында” Иҹмасы, Хоҹалы сојгырымы һаггында Азәрбајҹан Республикасында хүсуси ганунунун гәбул едилмәсинин, һәмчинин ишғал алтындакы 20% торпагларымызын азад олунмасы уғрунда лазымы аддымларын атылмасынын ваҹиблијинә диггәти ҹәлб едир.
- Хоҹалы сојгырымына мәруз галмыш шәхсләрә “Хоҹалы сојгырымы гурбаны” статусу верилмәси;
- Хоҹалы сојгырымы гурбанларына Азәрбајҹан Республикасы ганунвериҹилијиндә мүһарибә ветераны, мүһарибә әлилләринин малик олдуғу сосиал мүдафиә имтијазларынын аид едилмәси, Хоҹалы сојгырымы заманы һәлак олмуш шәхсләрин вә онларын аиләләринин сосиал мүдафиә дәрәҹәсинә ҝөрә шәһид вә шәһид аиләләринин статусуна бәрабәр тутулмасы;
- Азәрбајҹан Милли Мәҹлиси вә мүвафиг иҹра һакимијјәти органлары, Хоҹалы сојгырымы һадисәсинин бејнәлхалг аләмдә танынмасы, бу ҹинајәтин тәгсиркарларынын бејнәлхалг мәһкәмә вә ја трибуналларда мүһакимә едилмәси үчүн фәалијјәт ҝөстәрмәси;
- Дөвләт органларынын фәалијјәтинин әлагәләндирилмәсини тәмин едилмәси мәгсәдилә Хоҹалы сојгырымынын тәдгиги вә танытымы комиссијасы вә онун даими ишчи групунун јарадылмасы.
- Хоҹалы сојгырымы гурбанларынын хатирәсини әбәдиләшдирмәк үчүн Азәрбајҹан Республикасында фәалијјәт ҝөстәрән бүтүн тәһсил мүәссисәләриндә Хоҹалы сојгырымынын ајрыҹа дәрс мөвзусу кими өјрәнилмәси кими мәсәләләр өз һәллини тапмалы.
- “Муһәммәдин (сәлләлаһу әлејһи вә алиһ) Маарифи Ишығында” Иҹмасы, сонда ишғал алтында олан 20% торпагларымызын азадлығына манеәчилик төрәдән, өлкә дахилиндәки бүтүн ихтилафлара сон гојулмасынын, 98%-ни Мүсәлманлар тәшкил едән өлкәмиздә чыхарылан бүтүн ганунларын Ислам вә конститусија чәрчивәсиндә олмасынын, “Һиҹаб Гадағасы” ады илә сүни ҝәрҝинлик јарадан мәмурларын лајигли ҹәзаларына чатдырылмасынын, башда Азәрбајҹан Ислам Партијасынын Лидери Доктор Мөвсүм Сәмәдов олмагла Ҹәза Чәкмә Мүәссисәләриндә јатан бүтүн пак инсанларын азад едилмәсинин тәрәфдар олдуғуну, мүгәддәс торпагларымызын азад олунмасы уғрунда динимиз олан Ислама вә милли мәнәви дәјәрләримизә садиг галмағымызы билдирир. Вә буна мисал олараг Шәһид Сејјид Мүбариз Ибраһимову өрнәк ҝәтирир.
ومن يتوكل علي الله فهو حسبه إن الله بالغ أمره قد جعل الله لكل شيءٍ قدراً. (سوره طلاق ، آيه 3)
Бәјанат БМТ-нин Баш Катибинә, БМТ-нин Тәһлүкәсизлик Шурасына, БМТ-нин Инсан Һүгуглары үзрә Али Комиссарына, Авропа Комиссијасына, Авропа Шурасына, АТӘТ-ә, Бејнәлхалг вә Авропа Омбудсманлар Институтларына, Асија Омбудсманлар Ассосиасијасына, Бејнәлхалг Сүлһ Бүросуна, Универсал Сүлһ Федерасијасына, мүхтәлиф өлкәләрин омбудсманларына, Азәрбајҹан Республикасынын Президентинә, Азәрбајҹан Республикасынын хариҹи өлкәләрдәки вә хариҹи өлкәләрин республикамыздакы сәфирликләринә, Азәрбајҹанын диаспор тәшкилатларына үнванланыб.
Диггәт: Хәбәрдән истифадә етдикдә мәнбәјә истинад лазымдыр
