Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Масаллы Газ Истисмар идарәсинин рәиси Сеһран Шаһвердијев кечмиш рәисин борҹларыны истифадәчиләрин арасында бөлүшәрәк, һәр аиләјә мүәјјән гәдәр ортаг мәбләғдә пајламышды, ҹәримә кағызыны вериб. Лакин, Масаллы ҹамааты бу ганунсузлугла бағлы бир чох гурумлара етиразлар едиб. Тәәссүф ки, јүксәк гурумлар тәрәфиндән бу етиразлара бахылмајыб.
Һал-һазырда рајон ҹамаатыны нараһат едән ганунсузлуглардан бири дә, гыш ајлары олмасына бахмајараг газ идарәсинин истифадәчиләрин газыны һеч бир сорғу ҝөндәрмәдән кәсмәсидир.
Идарәнин ишчиләри, ”билдириши-хәбәрдарлыг” кағызыны верән ҝүндән гыса мүддәт сонра өдәниш едилмәдији һалда газы кәсирләр. Истифадәчијә исә бу һагда һеч бир мәлумат верилмир. Рајон әһалисини гәзәбләндирән ән мүһүм һадисә исә феврал ајында, газ идарәсинин мәсҹидләрә гаршы јөнәлмиш аддымыдыр.
Масаллы Искәндәрли гәсәбәсиндә јерләшән Һәзәти Әли (ә) мәсҹидиндә газын кәсилмәси ибадәт едәнләрин наразылығына сәбәб олуб.
Идарә рәсмиләри сәбәб кими мәсҹидин борҹунун олмасыны билдирирләр. Мәсҹидин әразиси Масаллы шәһәр бәләдијјәсинин нәзарәтиндә олдуғу үчүн, елә борҹуда Масаллы шәһәр бәләдијјәси өз бүдҹәсиндән вермәлидир. Һал-һазырда мәсҹидин диндарлары намаз гылмаг үчүн мәсҹидә ҝетмәјә чәтинлик чәкирләр.
Диггәт: Хәбәрдән истифадә етдикдә мәнбәјә истинад лазымдыр
