Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән өтән ҝүн Азәрбајҹан Ислам Партијасы идарә һејәтинин вә Исламчыларын Һүгугларынын Мүдафиә Комитәсинин топлантысы олмушдур. Топлантыда партија сәдри Һаҹы Мөвсүм Сәмәдов вә диҝәрләринин шикајәти илә бағлы Республика Али Мәһкәмәсинин сон гәрарына мүнасибәт ачыгланмышдыр. Али Мәһкәмәнин әввәлки мәһкәмә инстансијаларынын әдаләтсиз гәрарларыны гејд-шәртсиз гүввәдә сахланмасыны Исламчылар Азәрбајҹанда мәһкәмә һакимијјәтинин мүстәгил олмамасы, сифаришли һәбсләрә бүтүн инстансијаларда јашыл ишығын јандырылмасы кими гијмәтләндирмишләр. Мүзакирә заманы бу һагда гәбул олунан бәјанатда дејилир:
“2011-ҹи ил јанварын 2-дә АИП-ин Баш Мәҹлисиндә Һаҹы Мөвсүм Сәмәдов И.Әлијев һакимијјәтинин маһијјәтини, режимин өлкәдә јаратдығы ағыр сосиал-игтисади вәзијјәтин вә иҹтимаи-сијаси хаос вә бөһранын сәбәбләриниачараг рүшвәтхорлуғу, баш алыб ҝедән коррупсијаны, мәмур өзбашналығыны, мәһкәмәләрин әдаләтсизлијини, мүсәлман ҹәмијјәтиндә мәнәви-әхлаги ашынмалары јајан һәрәкәт вә ганунларын гәбул олунмасыны, Ислам дининә гаршы тәгиб вә басгыларын артмасыны ачыг тәнгид етмишдир. О, бу чыхышына ҝөрә гондарма ссенари әсасында шәрләнәрәк ағыр иттиһамларла истинтага ҹәлб олунмуш вә Ағыр Ҹинајәтләрә Даир Мәһкәмәнин һөкмү илә 12 ил һәбс ҹәзасына мәһкум едилмишдир. М.Сәмәдовла јанашы даһа беш нәфәр дә һәбсә алынараг һәр бири он-он бир ил јарым азадлыгдан мәһруметмә ҹәзасы илә ҹәзаландырылмышдыр.
Бу азмыш кими, һакимијјәт виҹдан мәһбусларынын Авропа Инсан Һаглары вә Һүгуглары Комиссијасынын Исламчыларын, о ҹүмләдән М. Сәмәдовун сијаси мәһбус критеријаларына там ујғун ҝәлмәси вә сијаси мәһбус сијаһысына дахил етмәсинә бахмајараг сијаси мәһбус кими Авропа Парламент Ассамблејасында гәбул олунмамасы үчүн дәридән-габыгдан чыхараг истәјинә наил олмасы илә бағлы бајрам да етмишдир. Өз вәтәндашынын белә “тәәссүбүнү” чәкән һакимијјәтә, халгын өз ганунвериҹилик һакимијјәтини вә онун бөјүк мәсулијјәтини етибар етдији милләт вәкилләринә нә ад вермәк олар?!
Бу ҝүн һәрзаманкы дөврдән фәргли бир мүһит јаранмышдыр. Ҹәмијјәт үзвләри сечилән, сајылан һөрмәтлишәхсијјәтләрин һагсыз јерә онлардан тәҹрид олунмасыны гәбул едә билмир вә ҹидди нараһатлыг ичәрисиндәдирләр. Һәссас мәгамлардан олан президент сечкиләри илиндә инсан һагларынын позулмасы, шәрләнмәклә азадлыгдан мәһрумедилмәләр, аиләләрин ағыр мәнәви чәтинликләрә мәруз гојулмалары, һеч бир әдаләтә вә гануна сығмајан һакимијјәт-вәтәндаш мүнасибәтләринин сон критик һәддә чатдырылмасы даһа ағыр сосиал фәлакәтләрә, гаршыдурмалара јол ача биләр.
Өлкәдә фикир плүрализминә гаршы белә гәддар мүнасибәтләр һәм дә онун ҝөстәриҹисидир ки,бејнәлхалг даирәләр, дүнјанын демократик тәсисатлары Азәрбајҹанда стратежи, хаммал, јанаҹаг, башга сөзлә мадди мараглардан башга бир шеј ҝүдмүр. Халгымызын сәрвәти һесабына һакимијјәти сатын алмаг һеч бир демократик принсипә сығмыр. Өлкәдә зүлмүн гаршысы алынмалы, зүлмкар ҹәзасына чатдырылмалыдыр. Ҹәмијјәтин фәал гүввәләринин һәбсханалара атылмасы јалныз халга зәрәр јетирмәк демәкдир”.
Топлантыда Исламчылар Азәрбајҹан Республикасы Али Мәһкәмәсинин әввәлки мәһкәмә инстансијаларынын һөкмүнү гүввәдә сахлајан гәрарына гаршы вә Исламчыларын азадлыг һүгугларынын бәрпа олунмасына ҝөрә Авропа Мәһкәмәсинә шикајәт етмәји гәрара алмышлар.
Диггәт: Хәбәрдән истифадә етдикдә мәнбәјә истинад лазымдыр
