Әһли Бејт -АБНА- хәбәр аҝентлијинин вердији хәбәрә әсасән Исмајыллы һадисәләри илә бағлы Авропа Парламентиндә динләмәләр кечирилә биләр. Авропа Парламентинин депутатларынын бунунла бағлы мәсәлә галдырдыглары билдирилир. Милли Мәҹлисин үзвү, һүгуг сијасәти вә дөвләт гуруҹулуғу комитәсинин сәдри Әли Һүсејнлинин парламентин дүнәнки иҹласында сәсләндирдији бир фикир дә дејиләнләрин тәсдиги сајыла биләр.
Әли Һүсејнли дејиб: “Бу јахынларда тәләб ешитмишик ки, Авропа Парламентиндә Исмајыллыдакы һадисәләрлә бағлы динләмәләр кечирилсин. Бу, ҝүлүнҹдүр. Неҹә олур ки, Јунаныстанда өлкә боју күтләви аксијалар ҝедир, амма о барәдә динләмә кечирилмир…”
Авропа Парламентиндә бу һадисәләрлә бағлы динләмәләр кечирилмәси тәләби игтидарын нараһатлығыны бир гәдәр дә артырыб. Һакимијјәт фәргиндәдир ки, динләмәләр заманы Исмајыллыда етираз едән сакинләрә гаршы төрәдилән зоракылыг, репрессив аддымлар үзә чыхаҹаг вә игтидар ифша олаҹаг. Сонуҹда исә һакимијјәтин әлејһинә сәрт гәтнамә гәбул едиләҹәк. Она ҝөрә дә Әли Һүсејнлинин тимсалында индидән мәсәләјә агрессив мүнасибәт сәрҝиләнир. Әнәнәви гајдада шантаждан истифадә едилир.
Диггәт: Хәбәрдән истифадә етдикдә мәнбәјә истинад лазымдыр
