Әһли Бејт -АБНА- хәбәр аҝентлијинин вердији хәбәрә әсасән Бакынын Ҹаваншир күчәсиндә јерләшән Тағыјев адына комбинатын 4 сајлы јатагханасынын сакинләри јанварын 30-дан өз ејванларындан гара бајраглар асараг етираз аксијасына башлајыблар.
"Туран"ын мәлуматына ҝөрә, мәсәлә илә бағлы һүгуг мүдафиәчиси Әләкбәр Мәммәдов јанварын 30-да кечирдији мәтбуат конфрансында билдириб ки, јатагханада јашајан 80 аилә артыг гәзалы бинада гала билмир: “Амма онлара јени мәнзилләр верилмир. Һеч ким онларын шикајәтинә мәһәл гојмур. Бу ил сакинләр баш назирин мүавини Абид Шәрифовла ҝөрүшмүшдүләр. О, бир ај әрзиндә проблемин һәлл олунаҹағыны вәд етмишди, лакин бу баш вермәди”.
Әләкбәр Мәммәдовун сөзләринә ҝөрә, Хәтаи Рајон Иҹра Һакимијјәтиндән сакинләрә дејибләр ки, сизә бир шәртлә мәнзил вериләҹәк ки, шикајәт етмәсинләр.
Һүгуг мүдафиәчиси гејд едиб ки, јатагхананын сакинләри бинаја бахыш кечирмәк үчүн експерт тутублар. Експерт дејиб ки, 3,5 бал ҝүҹүндә зәлзәлә олса, бина учаҹаг вә тәмири дә мүмкүн олмајаҹаг.
Әләкбәр Мәммәдов сакинләрин Президент Администрасијасынын гаршысында пикет кечирмәк нијјәтиндә олдугларыны да сөјләјиб.
2000-ҹи илин нојабрында Бакыда баш вермиш зәлзәләдән сонра Тағыјев адына комбинатын 4 сајлы јатагханасы јарарсыз вәзијјәтә дүшүб. Пајтахтын иҹра һакимијјәти јатагханада јашајан 160 аилә үчүн јени бинанын тикинтиси мәгсәдилә 40 сот әрази ајырыб. 18 мәртәбәли, 432 мәнзилдән ибарәт ев тикилиб. Лакин бинаја јалныз 80 аилә көчүрүлүб. Галан 80 аилә һәлә дә јатагханада галыр.
Диггәт: Хәбәрдән истифадә етдикдә мәнбәјә истинад лазымдыр
