Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын Исмајыллы рајонунун Ивановка кәндинин сакинләри Азәрбајҹанын Русијадакы вә ејни заманда Русијанын Азәрбајҹандакы сәфирлијинә, һабелә һәр ики өлкәнин президент админстрасијасына мүраҹиәт едибләр. Бу барәдә бу ҝүн бир сыра Русија КИВ-и, о ҹүмләдән “Правда.ру”, “Болшој Кафказ”, “Русскиј ден” порталлары хәбәр јајыблар.
Русија КИВ-ин мәлуматына ҝөрә, Азәрбајҹанда јеҝанә колхоз грулушунун олдуғу вә русларын компакт јашадығы Ивановка кәндинин сакинләри јерли һакимијјәти онларын торпагларыны зәбт етмәкдә, рүшвәт вә коррупсијада иттиһам едибләр.
Мүраҹиәтдә кәнд сакинләри јазыблар ки, нәинки Исмајыллыдан, һәтта Бакыдан да ҝәлиб узун илләр онлара мәхсус олан торпагларда вилллалар, туризм вә әјләнҹә мәркәзләри тикирләр.
Мәктубда гејд олунур ки, Ивановка сакинләри дәфәләрлә Бакыда Президент админстрсијасында олуб рәсмиләрлә ҝөрүшмәк истәјибләр. Амма онларын шикајәтләринә һеч ким гулаг асмајыб.
Ивановкалылар рајонда рүшвәт вә коррупсијаја сон гојулмасыны тәләб етмәклә јанашы торпагларыны да мәмур ишғалындан азад олунмасыны тәләб едирләр. Онлар елә беләҹә дә јазырлар: “Бура бизим вәтәнимиздир. Биз вәтәнимиздән дидәрҝин дүшмәк истәмирик”.
Диггәт: Хәбәрдән истифадә етдикдә мәнбәјә истинад лазымдыр
