Әһли Бејт -АБНА- хәбәр аҝентлијинин вердији хәбәрә әсасән Модерн.аз милләт вәкили Гәнирә Пашајеванын facebook сосиал шәбәкәсиндә пајлашдығы јазыны тәгдим едиб. Јазыда “шәхсијјәтсизлик” һәдәфә алыныр. Азәрбајҹанда вә Азәрбајҹандан кәнарда ҝүндәми тутуб дајанан мөвзу МАНДАТ АЛВЕРИ мөвзусудур. Еһтимал олунур ки, Г. Пашајева шәхсијјәтсиз дејәндә мәһз бу олајын ҝүнаһкары Рамиз Меһдијеви нәзәрдә тутуб. Истәнилән вариантда статус мараглыдыр:
Гејрәтли даносбазларымиз иш баҹарыркән,
Тәнбәл, дәли шејтанлары нејләрдин, илаһи?!
Аллаһ сәнә рәһмәт етсин еј бөјүк Сабир! Һәм сәнин һәм дә инди һаггында данышаҹағым Мүәллимин гаршысында баш әјирәм!
О мүәллим дәрс заманы јазы лөвһәси гаршысына кечиб табаширләр јазы тахтасына бөјүк бир (1) рәгәмини јазыр вә үзүнү шаҝирдләринә чевириб “Бахын!” дејир. “Бу, шәхсијјәтдир. Һәјатда саһиб ола биләҹәјиниз ән дәјәрли шеј…” Сонра (1) ин јанына бир (0) гојур: “Бу мүвәффәгијјәтдир. Мүвәффәгијјәтли бир шәхсијјәт (1)и (10) едәр. Мүәллим бир (0) даһа гојур. Бу, тәҹрүбәдир дејир. (10) илә (100) олурсунуз. Сыфырлар беләликлә узаныб ҝедир: истедад…интизам…севҝи… Мүәллим әлавә едилән һәр јени (0)ын шәхсијјәти 10 гат зәнҝинләшдирдијини билдирир…
Сонра…
Сонра шаҝирдләр үчүн ән ҝөзләнилмәз аддымы атыр. Әлинә силҝини алыб ән башдакы (1)и силир. Ҝеријә садәҹә бир нечә сыфыр глыр. Вә мүәллим дејир:
“Шәхсијјәтиниз јохса, о бириләри һечдир”.
Мән о мүәллимин бу ҝүн дә гаршысында тәкрар баш әјдим! Ҝерчәкдән дә билик, истедад , тәҹрүбә, мүвәффәгијјәт, зәнҝинлик һамысы һәтта бирликдәдә әҝәр шәхсијјәт јохдурса ҝерчәкдән дә бир һечдир!
P.S. Дүнјада ән чәтин иш исә шәхсијјәти олмајан бир адама нәјисә изаһ етмәк, анлатмагдыр. Чүнки анламајаҹаг.. Чүнки бир һечдир..
Самир
Диггәт: Хәбәрдән истифадә етдикдә мәнбәјә истинад лазымдыр
