Онунла илк дәфә ДИН Баш Мүтәшәккил Ҹинајәткарлыгла Мүбаризә Идарәсинин зирзәмисиндә тәхминән 15-20 дәгигә ҝөрүш имканым олду. Тәхминән 2 һәфтә дә орда галмасына бахмајараг, сонралар бизим ҝөрүшмәјимизә имкан вермәдиләр. Нөвбәти дәфә Күрдәханыдакы Бакы Истинтаг Тәҹридханасында ҝөрүшдүк. Вәкил отағында идик. Хаһиш етдим бизә чај ҝәтирдиләр. Етираз етмәди. Јағышлы һава иди.
Икимизә дә чај сүзүб, өзүм дәрһал бирини ичдим. Үчүнҹү стәканы да ичиб гуртарандан сонра фәрг етдим ки, о чајы ичмир. Нијә ичәдијини сорушдум. Чајы севмәдијини вә чох сојуг һалда ичдијини билдирди. Әлавә етди ки, сојусун стәкандакыны ичәрәм, сиз нараһат олмајын ичин. Беләҹә, сөһбәтимиз битәнәдәк икинҹи чајники бошалтдым. О исә, һәлә дә чајыны сојудурду, бир гуртум да ичмәмишди.
Һәлә дә һеч нә анламыр вә тәкид едирдим ки, јенидән чај ҝәтирсинләр ки, о да бир стәкан ичсин. Чох исрар етдијими ҝөрүб оруҹ олдуғуну деди. Әлбәттә, мән чох утандым. Амма онун оруҹ ола биләҹәјини дүшүнмәк мүмкүнсүз иди. Һәм оруҹлуг дөврү дејилди, һәм дә о вахтадәк мән бу гәдәр саф дини әгидәси олан инсан ҝөрмәмишдим. Раһат чајымы ичим дејә оруҹ олдуғуну мәндән ҝизләтмишди.
О замана гәдәр таныдығым диндар инсанлар исә, адәтән диндар вә намазгылан олмаларыны дәрһал реклам едирдиләр. Һәлә оруҹлуг вахты олдуму, ҝүндә 50 дәфә оруҹам дејирдиләр. Ону таныјанадәк инсанларын оруҹ олмаларыны онларын өз дилиндән ешитмишдим, һеч кимин әмәлиндә оруҹлуг ҝөрмәмишдим. О, мәни һејрәтләндирмишди: фәргли олмасы илә, саф әгидәси илә. Бәлкә дә инанмазсыныз, Күрдәханыда олдуғу тәхминән 1 ил 6 ај әрзиндә о һәр ҝүн оруҹ тутду.
Сөһбәт Азәрбајҹан Ислам Партијасынын сәдри Мөһсүн Сәмәдовдан ҝедир. Онун һәбсиндән 2 ил өтдү. (јазыны вәкил Анар Гасымлы өз "фаҹебоок" сәһифәсиндә јерләшдириб).
Һәр шеј АИП-ин топлантысындакы чыхышдан сонра башлады. Јанвар ајынын 2-дә өлкәдә һиҹаб гадағасына етираз олараг Һаҹы Мөһсүн Сәмәдов өз етиразыны билдирди.
Чыхышдан сонра исә...
АИП сәдри, мүавини Һаҹы Вагиф (зинданда дүнјасыны дәјишән), машында олан диҝәр руһани вә сүрүҹүсү һәбс едилди...
Хәбәрләр белә јајылды - әввәл АИП сәдри Һаҹы Мөһсүн Сәмәдов машынла ҝетдији заман јол полиси тәрәфиндән сахланылмыш вә намәлум истигамәтә апарылмышды. Илк олараг полисә мүгавимәт иттиһамы илә 13 суткалыг һәбс ҹәзасына мәруз галан партија сәдринә гаршы даһа сонра ағыр иттиһамлар ирәли сүрүлдү.
Мүтәшәккил дәстә иттиһамы илә Һаҹы Мөһсүнүн әмиси оғлу Дәјанәт вә гајны Фирдовси һәбс едилди. Онларын евиндә ахтарыш олду.
Нәтиҹә - биринин ишләдији дүканын сојудуҹусунун алтындан гумбара, диҝәринин евинин јорған дөшәјинин ичиндә силаһ.
Гаршы тәрәф иттиһамлары рәдд едәрәк силаһларын гојулдуғуну билдирдиләр.
Сејјид Фәрамиз вә Руһулла Ахундзадәнин дә евиндә бу ҹүр...
Сонра...
Руһаниләр топланды вә топлананлар ичиндә Һаҹы Мөвсүмүн тәләсдијини дејәнләр дә олду.
Лакин Гуранын һафизи олан Һаҹы Зүлфүгар Микајылзадә истәр бу иттиһам вә гејбәтә, истәрсә дә һәбсләрә етираз етди. Етиразыны һәтта медиада да билдирди.
Нәтиҹә - нәтиҹәни дејә билмәрик о диҝәр һәбсдәки руһаниләр кими вәзифәләринә әмәл етдикләрини билдирди. Амма ону да һәбс етдиләр. Һәбсләр давам етди.
2011-ҹи илин октјабрында Ағыр Ҹинајәтләрә даир Мәһкәмәдә һаким Елдар Исмајылов мәһкәмә һејәти АИП сәдри Мөһсүн Сәмәдова 12 ил, Фирдовси Мәммәдрзајевә 10 ил, әмиси оғлу Дәјанәт Сәмәдова 10 ил, партијанын сәдр мүавини Вагиф Абдуллајевә 11 ил, Астара рајон тәшкилатынын сәдри Руфулла Ахундзадәјә 11 ил 6 ај, Масаллы руһаниси Фәрамиз Аббасова 11 ил һәбс ҹәзасы вериб. Әслән Ләнкәрандан олан мүстәгил руһани Зүлфүгар Микајылзадәјә исә 5 ил сынаг мүддәти олмагла 11 ил шәрти һөкм охунду.
2012-ҹи илин мајын 17-дә Бакы Апеллјасија Мәһкәмәси исламчыларла бағлы Ағыр Ҹинајәтләр Мәһкәмәсинин гәрарыны гүввәдә сахлајыб. Гануни проседурлара әсасән, Али Мәһкәмәнин гәрарындан асылы олараг Мөһсүн Сәмәдов вә онунла һәбс олунанларын иши Авропа Мәһкәмәсинә ҝөндәриләҹәк.
Диггәт: Хәбәрдән истифадә етдикдә мәнбәјә истинад лазымдыр
