Аллаһын ады илә!
Шејтансифәт Салман Рүштү әлинә гәләм алыб ҹызма-гара еләјиб гачды мәнәви аталарынын јанына ки, ахшам евә әлибош ҝетмәмәси үчүн зәһмәтһаггы алсын. “Шејтан ајәләри” ҹызма-гарасында Аллаһы, Исламы тәһгир етдији үчүн мүртәд олду вә мәрһум Имам Хомејни (р.ә) онун һаггында өлүм фәтвасы верди. (Мүртәдин ҹызма-гарасына китаб, әсәр демәк әдәбијјата, мәдәнијјәтә тәһгир олар.) Даһа сонра мүртәд Салман Рүштү гачыб инҝилисләрә сығынды, инҝилисләрин вә сионистләрин ҝөзүндә әзиз бир инсан олду, һәтта, “ҹәнҝавәр” титулуна лајиг ҝөрүлдү.
Даһа сонра Рафиг Тағы мејдана чыхды. О да бир ҹызма-гара едиб сәләфи Салманын јолујла ҝетди. Онун да барәсиндә мәрһум Фазил Ләнкәрани (р.ә) өлүм фәтвасы верди. О исә гачыб сығына билмәмиш күчәдә бычагланды. Бу фаили-мәҹһул гәтл һәлә дә, арашдырылыр (валлаһ, дејиләнә ҝөрә арашдырылыр, дәринликләринә гәдәр хәбәрим јохдур.)
Салманлар да, рафигләр дә, һәм Аллаһын, һәм дә, мүсәлманларын нифрәтини кифајәт гәдәр газанмыш олдулар.
Бир ара ешитдим ки, бир нәфәр өзүнү философ елан еләјән шәхс дә, јаман тәһдид долусу мәктублар алырмыш вә нәһајәт гачыб өлкәдән.
Инди исә тәзә хәбәр вар. Мәтбуатда јазыланлара ҝөрә, Мејдан Һәрәкатынын гәһрәманларындан, Милли Азадлыг Һәрәкатынын һамиләриндән олан шаир Сабир Рүстәмханлынын сәдри олдуғу Вәтәндаш Һәмрәјлији Партијасы, өз сәдринин, јәни, Сабир Рүстәмханлынын мүһафизәсинин вә тәһлүкәсизлијинин тәмин едилмәси үчүн һөкүмәтә мүраҹиәт едиб. Өзү дә, нәинки ДИН-ә, һәтта, президентә белә мүраҹиәтдә булунублар.
Сабир Рүстәмханлы Азәрбајҹан халг шаиридир, милләт вәкилидир, Азәрбајҹан Халг Ҹәбһәчи Партијасынын гуруҹуларындан вә Милли Азадлыг Һәрәкатынын лидерләриндән биридир. Һәм дә, ДАК-ын (Дүнја Азәрбајҹанлылары Конгресинин) үзвүдүр. Һәтта, 2003-ҹү илдә президент сечкиләринә намизәдлији өз партијасы тәрәфиндән ирәли сүрүлмүшдү.
Сабир Рүстәмханлы да, шаирдир, әдибдир, китаблары ишыг үзү ҝөрүр. О, салмалар, рафигләр кими дини, Аллаһы тәһгир едән ҹызма-гаралар етмир. Амма, дедијинә ҝөрә ону тәһдид едирләр, өзү дә, Салман Рүштү вә Рафиг Тағынын фәтвасы верилән өлкәдән – Ирандан. Бир дә, онун тәбиринҹә десәк, “бир нечә ил өнҹә Нардаранда Ирана бағлы мүәјјән даирәләр“ онун һаггында өлүм фәтвасы вериб.
Мән иманымы јандырыб бу барәдә нәсә дејә билмәрәм, амма ону билирәм ки, Сабир мүәллим өлүм фәтвасы вермәнин кимләрин сәлаһијјәти чәрчивәсиндә олдуғуну билмир, ја да унудуб. Гәтли ваҹиб оланлар һансы шәраитдә буна лајиг олурлар, онларын өлүм фәтвасыны кимләр верир вә башга бу кими мәсәләләр әтрафында марагланмасы онун үчүн фајдалы олар.
Сонунҹу дәфә бир милләт вәкили кими Сабир мүәллимдән һәрби хидмәтдәки вәзијјәтдән, назирлијин әсҝәрләрә бахмамасындан, онларын агибәтинә биҝанә јанашмасындан шикајәт етмәсини мәтбуатдан охумушам. Һәр депутатын ҹавабы анидән ҝәлән бизим мәмләкәтдә, онун һәрбимиз барәдә дедикләринә дә, анидән ҹаваб верилмишди.
Инди мәни бир суал дүшүндүрүр: Иран тәрәфиндән тәһдид едилдијини гәнаәт едән Сабир мүәллимин бу мүраҹиәтини неҹә анлајаг? Јохса бу, өзүнүрекламдырмы? Һәмрәјлик ҝүнү әрәфәсиндә һәмрәјликчи Сабир мүәллим өзүнү рекламмы едир? Јохса АБШ, Авропа кими суперҝүҹләрдән чәкинмәјән, горхмајан Иран үчүн өзүнү потенсиал тәһлүкәми билир? Сабир Рүстәмханлы Иран үчүн тәһлүкәдирми?
Милли Азадлыг Һәрәкаты истисна олмагла бирҹә дәфә дә олсун Сабир мүәллими халгын етираз аксијаларында ҝөрдүјүм, ешитдијим јадыма ҝәлмир. Һә, јадыма дүшдү... Иран әлејһинә Иран сәфирлији, консуллуғу өнүндә кечирилән аксијалар хариҹ. Бу аксијаларда о иштирак да едиб, кәскин фикирләр дә, сөјләјиб.
Сабир Рүстәмханлынын сәдри олдуғу партијанын адындакы “һ” һәрфи “һәмрәјлик” мәнасындадыр, јәни вәтәндаш һәмрәјлији. Буну да нәзәрә алыб, онун үзв олдуғу Милли Мәҹлисдә Азәрбајҹан вә Иран вәтәндашларынын садәләшдирилмиш сәрһәд ҝедиш-ҝәлишләри меморандуму ләғв едилдикдә, ҝөзләјирдим ки, биринҹи Сабир Рүстәмханлыдан етираз ҝәләр. Ахы, о Ирандакы отуз беш милјонлуг сојдашымызы севир. Амма, бу барәдә онун һәр һансыса етиразына раст ҝәлмәдим. Һәмрәјлијимизә “јахшы һөрмәт гојан” Мәҹлис үзвләри һәмрәјлик ҝүнүнә јахын өз севҝи вә сајгыларыны бу ҹүр ортаја гојду. Бу, өз јериндә...
Бәс ҝөрәсән, етираз аксијаларында сөзү бир јерә гојуб һәмрәј олан вәтәндашларын тәшкил етдикләри аксијаларда – һеч демирәм “иштирак едибми?” – бирҹә дәфә дә олсун орада полисләрин јерлә сүрүјүб апардыглары кишиләрдән, гадынлардан данышыбмы Вәтәндаш Һәмрәјлији Партијасынын сәдри? (Һәмчинин, Азәри Түрк Гадынлар Бирлијинин сәдри - Сабир Рүстәмханлынын һәјат јолдашы бирҹә дәфә аксијада дөрд-беш полисин сүрүјүб апардығы, һөрмәтсизлик етдији азәри-түрк гадынларындан данышыбмы? Бу да мараглы суалдыр!)
Инди дә ҝәләк сөзү ҝедән һәдәјә...
Мән бурада Сабир Рүстәмханлынын Иран әлејһинә данышдыгларындан, јаздыгларындан, бәјанатларындан вә с. данышмајаҹағам. Амма, һәдә-горху илә бағлы бир нөгтәјә тохунмасам, олмаз. Мәним үчүн мараглыдыр, ҝөрәсән, ким-кими тәһдид едир? Даһа чох Сабир мүәллим тәрәфиндән писләнән Иран, онун һансыса мүҹтәһидими вә ја назирими, депутатымы Сабир мүәллими тәһдид едир, јохса Сабир мүәллим Иранын һансыса рәсмисини һәдәләјир? Инди ајдын олар!
Сабир мүәллимин Иранын Али Дини Лидери Сејјид Әли Хаменеи ҹәнабларына јаздығы бир мәктуб вар. О мәктубун ән ахырынҹы ҹүмләсинә фикир верин, мәктуб бу ҹүмлә илә сона чатыдр: “Бу милләтдән вә Аллаһдан горхун!” Бу ҹүмләни башга дөвләтин - ән балаҹа адамындан тутмуш ән бөјүк шәхсинә гәдәр – һәр һансыса бир адамына үнванламаг зәннимҹә һеч бир һүнәр тәләб етмир. Инди бу ҹүмләнин мөһтәвасына бахын. Әҝәр Сабир мүәллим бу ҹүмләни һүнәр ҝөстәриб - демирәм Азәрбајҹан Республикасынын башчысына - Президент Апаратынын рәһбәри һаггында белә, сөјләмиш олсајды, халгы һакимијјәт әлејһинә галдырмагда, дөвләт чеврилишинә ҹәһд етмәкдә иттиһам едиб Сабир мүәллимә һәбс едәрдиләр. О ки, галды Президентдән дә јүксәк күрсүдә әјләшән бир шәхс – Али Дини Лидер һаггында бу сөзләри ишләдәсән. Бир дөвләтин рәһбәрини бу ҹүр һәдәләмәк онун халгыны һәдәләмәк мәнасына ҝәлмирми? Бу сөзләр чох ағыр сөзләрдир вә әмәлли-башлы ичиндә һәдә-горху јүкү вар.
Садәҹә Сабир мүәллим елә зәнн едир ки, о бу мәктубу јазмагла вә ја үмумијјәтлә Иран әлејһинә данышмагла бүтүн дүнја Азәрбајҹанлыларынын, түркләринин рәғбәтини газаныр вә онларын гәһрәманына чеврилир. Бәлкә, дүшүнүр ки, белә етмәклә орада јашајан сојдашларын дилиндән данышыр вә һагларыны горујур. Амма, унудур ки, Азәрбајҹанын дахили проблемләрини ишыгландырмајыб, һагсызлыглара ҝөз јумуб, бурадакы доггуз милјонун дәрдиндән јазмаг, данышмаг әвәзинә орадакы отуз беш милјонун дәрдинә јанмаг, Гарабағдан данышмајыб Урмијадан, орадакы Азәрбајҹан торпагларындан данышмаг һүнәр, һагтәләблилик дејил.
Мәним субјектив фикрим будур ки, дахили проблемләрә ҝөз јумуб Ирандакы сојдашларын һаггыны тәләб етмә кими бир мөвгеј ортаја гојмаг ән бөјүк һагсызлыглардан биридир. Мәлум мәсәләдир, Азәрбајҹанда Иран сәфирлији өнүнә топлашмаг “сәрбәст топлашма азадлығы” һесаб едилир вә орада топлашыб бәјанатлар јајанлар “Азәрбајҹанын дәрдинә јананлар” һесаб едилирләр. О да мәлумдур ки, Иранда түрк дили вә орадакы отуз беш милјон инсанын һаггында данышмаг “габаға дүшмәк үчүн” јахшы мәгамдыр.
Амма, каш ки, мәнимлә бир нечә саатлыг сөһбәт едән әрдәбилли сојдашымыз олан гоҹа бир кишијлә Сабир мүәллим дә, бир нечә дәгигә данышарды. Ҝөрәрди ки, о киши Хаменеи ҹәнабларына неҹә һөрмәт едир, О ҹәнабы өзүнүн ағсаггалы, рәһбәри, хиласкары һесаб едир. Ҹәнаб Хаменеинин ады ҝәләндә неҹә ҝүлүмсүнүр, нитгиндә о ҹәнабы неҹә әзилмиш, мәзлум халгын һамиси кими гәләмә верир. Һәмин киши дә бир түркдүр, орадакы отуз беш милјондан биридир. Вә јахуд да, Сабир мүәллим, Ҹәнаб Хаменеинин зијарәт етдији торпагларын (о торпаглар ки, орада түркләр јашајыр) сакинләри тәрәфиндән неҹә севилдијини, салаватларла гаршыландығыны бир дәфә ҹанлы изләсин.
Бу дәгигә Иран, Иран Дини Лидери һаггында мүсбәт фикир сөјләјәнләри “Иран аҝенти”, “Ирана ишләјән” адландырырлар. Бу мәнтиглә чыхыш едәси олсаг, Иран вә Иран рәһбәрлији әлејһинә пис сөзләр данышан, мәнфи фикир формалашдыран инсанлар да, сионист Исраил аҝенти олмалы вә онлара хидмәт етмиш олмалыдырлар. Мән демирәм ки, Сабир мүәллим сионистләрә ишләјир, онларын аҝентидир вә јахуд да, сионист сәфирлијиндән бағлама-һәдијјә вә с. алыб онларын әлејһинә јазыр, данышыр, Ислам вә мүсәлманлары горхунҹ, ваһимәли ҝөстәрмәјә чалышыр... Амма, бүтүн бунлар һаггында ҹидд-ҹидди дүшүнмәк лазымдыр.
Бир дә хатырлатмаг истәрдим ки, Ирандакы отуз беш милјонлуг халгын һүгугларынын тапданмасындан данышан Сабир мүәллим, ҝөрәсән АБШ-ын индики президентинин икинҹи дәфә сечилмәси мүнасибәтијлә тәбрик етмәси вә тәбрик месажында фарслардан, Ирандакы сојдашлардан, онларын һүгугларындан данышмасы нә сәбәбә ҝөрәдир? Мәҝәр, АБШ һәмин өлкә дејилми ки, 21-ҹи әсрдә ики бөјүк ишғала имза атды, Әфганистан вә Ираг өлкәләрини ишғал етди, халгына диван тутду, һагларыны гәсб еләди.
Ону да хатырлатмаг истәрдим ки, әҝәр, Сабир Рүстәмханлы өзүнү мәлум мүбаризәсин
