Ариф Шејх Рәҹәбәли Устад Шаһабади кими бөјүк шәхсијјәтләрин мәҹлисләриндә иштирак етсә дә әсаслы дини тәһсил алмајыб. Мараглыдыр ки, һөвзә тәһсили алмамыш бир инсан белә јүксәк мәгама неҹә чатыр? Ајәтуллаһ Миланинин һүзурунда Шејх бу сирри ачараг нәгл едир: Гоһумлар арасында чох ҹазибәдар бир гыз варды. Бу гыз мәнә ашиг олмушду. Бир ҝүн мәни хәлвәтә чәкди. Ҝүнаһла үзбәүз дајанмышдым. Аллаһа пәнаһ апарыб дедим ки, Еј Рәббим, мән јалныз сәнә ҝөрә бу ҝүнаһы тәрк едирәм, әвәзиндә мәнә өзүн тәрбијә вер. Дуам гәбул олду…
Шејх Рәҹәбәли Хәјјатын достларындан бири онун дилиндән нәгл едир:
Бир ҝүн базара јолум дүшдү. Бир ан зеһнимдән мәкруһ бир фикир өтдү. Дәрһал истиғфар едиб јола дүзәлдим. Гаршыдан дәвә карваны ҝәлирди. Јанымдан өтәндә дәвәләрдән бири гәфилдән мәни вурмаг истәди. Ҝери чәкилмәсәјдим бу зәрбә ахырыма чыхаҹагды. Мәсҹидә дөнүб тәвәссүл етдим, Аллаһдан бу һадисәнин һикмәтини сорушдум. Мәна аләминдә ҹаваб верилди ки, бу һадисә пис фикрин нәтиҹәси иди. Дедим ахы ҝүнаһа јол вермәдим. Ҹаваб ҝәлди ки, зәрбә дә сәнә дәјмәди!
Диггәт: Хәбәрдән истифадә етдикдә мәнбәјә истинад лазымдыр
