Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Азәрбајҹандакы сәфирлији гондарма “Дүнја Азәрбајҹанлылары Конгреси”нин тәшәббүсү илә декабрын 5-и Бакыда кечирилмиш "Азәрбајҹанын гузеји вә ҝүнеји арасында әлагәләр: мөвҹуд дурум, перспективләр вә вәзифәләримиз" конфрансын әлејһинә бәјанатла чыхыш едиб, вә ДАК, ејни заманда онун һәмсәдри, гондарма милләт вәкили сионист Сабир Рүстәмханлы, ДАК даими шурасынын сәдри Мунафиг Әждәр Тағызадәни сепаратчы вә тәхрибатчы адландырыб.
Иран Ислам Республикасы сәфирлијинин декабрын 7-дә јајдығы бәјанатда дејилир: “Иран Ислам Республикасы вә Азәрбајҹан Республикасынын халглары арасында достлуг әлагәләрини зәифләтмәк вә Теһранла Бакы арасындакы меһрибан мүнасибәтләрә хәләл ҝәтирмәк мәгсәдилә бир даһа провокатив бир аддым атылмыш вә сөздә “Дүнја Азәрбајҹанлылары Конгреси” адланан сепаратчы груп бејнәлхалг сионизми вә дүнја империализминин нијјәтләрини ҝерчәкләшдирмәк наминә Бакыда фәалијјәтә кечмишдир.
Сөзүҝедән конфрансда узун илләр ИИР вә Азәрбајҹан халгларынын дүшмәнләринә хидмәтләринә ҝөрә танынмыш шәхсләр ҹәфәнҝијат сөјләмәјә башламыш вә Иран Ислам Республикасыны тәһгир етмәклә, еләҹә дә гыҹыгландырыҹы чыхышларла бејнәлхалг сионизминин нәзәрдә тутдуғу сепаратизм тәфәккүрүнүн тәблиғатына башламышлар.
Бу груплашма Азәрбајҹан халгынын диггәтини Азәрбајҹан Республикасынын тәһлүкәсизлик проблемләринин ән өнәмлиси һесаб едилән Гарабағ мүнагишәсиндән јајындырмаг мәгсәдилә анти-ИИР сепаратчылығы мејлләри гызышдырмаг нијјәтиндәдир вә бу конфрансда рүсвајчылыгла Иран Ислам Республкасынын әрази бүтовлүјүнү суал алтына алмыш вә өз-өзләрини мүстәгил елан етмәк үчүн дә Гарабағ сепаратчыларынын әсасландырмаларына охшар изаһлардан истифадә етмишләр.
Иран Ислам Республикасынын сәфирлијинин гәнаәтинҹә, бејнәлхалг сионизмлә бағлы груплашмалар јаделлиләрин хејринә сабитсизлик вә әмин-амансызлыг јаратмаг истигамәтиндә етникләри гыҹыгландырмаг вә бунунла да Азәрбајҹан Республикасындакы мүхтәлиф етникләрин дә арасындакы милли һәмрәјлији, бирлији арадан апармаг истәјирләр.
Ајдындыр ки, анти-Иран вә сепаратчы групларын сәрбәст фәалијјәти ИИР-Азәрбајҹан Республикасы мүнасибәтләринин мүсбәт инкишаф истигамәти илә дабан-дабанадыр вә белә бир ҝөзләнти вар ки, Азәрбајҹанын мөһтәрәм һакимијјәти дә белә груплара гаршы лазыми сәвијјәдә һәссаслыг нүмајиш етдирәҹәкдир.
Иран Ислам Республикасынын сәфирлији сөзүҝедән тәдбирдә сәсләнән ҹәфәнҝ фикирләри писләмәклә јанашы, әминдир ки, Иран Ислам Республикасы вә Азәрбајҹан Республикасынын мүсәлман вә шиә халгы бир-бири илә олан достлуг бағларыны горумагда гәрарлыдыр вә бу достлуғу позмаға јөнәлән үздәнираг танынмыш һәмин шәхсләрин сәјләри боша чыхаҹагдыр.
Гејд етмәк лазымдыр ки, ДАК адланан груплашманын гејри-рәсми конфрансы чәршәнбә ҝүнү (5 декабр) кечирилмиш вә сепаратчы кими танынан Сабир Рүстәмханлы вә Иран Ислам Республикасындан гачмыш әкс-ингилабчылардан олан Әждәр Тағызадә “Ҹәнуби вә Шимали Азәрбајҹан” кими сахта вә әсасы олмајан терминләр ишләдәрәк Сталин вә совет дөнәминдә олдуғу кими ИИР-ын тарихини сахталашдырмаға чалышмыш вә Иран Ислам Республикасы әлејһинә тәһгирамиз ифадәләр сәсләндирмишләр”.
Охшар хәбәрләр:
Иранын Азәрбајҹандакы сәфирлији гаршысында етираз аксијасы кечирилиб + ФОТО
Диггәт: Хәбәрдән истифадә етдикдә мәнбәјә истинад лазымдыр
