Әһли Бејт -АБНА- хәбәр аҝентлијинин вердији хәбәрә әсасән Түркијәнин Енержи назири Танер Јылдыз Шимали Ирагдакы күрд идарәчилијинин кечирдији енержи конфрансына гатылмаг истәсә дә онун енишинә Бағдаддакы мәркәзи һөкумәт разылыг вермәјиб.
Ираг Мүлки Авиасијасынын рәһбәрләри гејд едибләр ки, тәјјарә гајдалары поздуғуна ҝөрә енишинә иҹазә верилмәјиб: “Биз һеч бир тәјјарәјә һава мәканымыза ҝирмәјә гадаға гојмуруг,амман онлар да ҝәрәк хүсуси гајдалара вә ганунлара әмәл етсинләр
Гејд едәк ки, Бағдадла Анкара арасында бир сыра мәсәләләрлә бағлы ҝәрҝинлик јашанмагдадыр.
Һеч шүбһәсиз бунлардан бири Түркијә һөкумәтинин Бағдадын һеч бир иҹазәси олмадан Ирагын шималына нәзарәт едәнләрлә нефтлә бағлы ганунсуз мүгавилә имзаламасыдыр. Башга бири исә Ираг президентинин ҹинајәткар мүавини Тарик әл–Һашиминин Түркијәјә сығынмасы вә рәсми Анкаранын ону һимајә етмәсидир.
Диггәт: Хәбәрдән истифадә етдикдә мәнбәјә истинад лазымдыр
