Әһли Бејт -АБНА- хәбәр аҝентлијинин вердији хәбәрә әсасән әҝәр һәр һансы бир инсанын фәрди вә јахуд иҹтимаи һәјатында дин, тәгва, иман һеч бир рол ојнамајарса демәли севҝилиләрин, аиләли инсанларын, нишанлыларын, бир сөзлә, инсанларын әксәријјәтинин алдадылмаг горхусу вар.
Инсанлар заһири ҝөрүнтүләр, ишарәләр вә һәрәкәтләрә әсасланараг хәјанәтә мәруз галыб-галмадыгларыны мүәјјәнләшдирмәјә чалышырлар. Бәзән пешман олур, бәзән јанылыр, бәзән дә дүзҝүн гәрар версәләр дә, ону һәјата кечирмирләр.
Јанылма вә ја доғру гәрарын икисинин дә ортаг сонуҹу олур - депрессија, тәәссүф...
Танынмыш психологларындан бири, профессор Ҹем Кече хәјанәт проблеминин ән ашкар тәзаһүр проблемләриндән бәһс едиб.
"Арашдырмалар ҝөстәрир ки, аиләдә хәјанәти нәзәрдән кечиририксә, гадынларын шәфгәт, ешг, диггәт ахтарышына, кишиләрин дә кәнарда диггәт арамасына чыхдыглары заман хәјанәт баш верир. Лакин сәбәб нә олурса-олсун, әрлә арвад дәвәгушу тәки башларыны гума ҝөммәмәли, проблеми ҝөрмәздән ҝәлмәмәлидирләр. Чүнки хәјанәтин илк мәрһәләси диггәтсизлик вә јаландыр ки, ону сезмәк ҝәрәкдир", - Кече дејиб.
О, хәјанәтин әсас симптомларыны сыралајыб:
- Һәр дәфә һараса ҝетмәк үчүн бәһанәләр ујдурур, евә ҝеҹ ҝәлир
- Мобил телефон, планшет компүтер вә ја ноутбука шифрә гојур, бу шифрәни дә сиздән ҝизләдир
- Фаҹебоок, Тwиттер, МСН кими сосиал шәбәкәләрдә даһа чох вахт кечирмәјә башлајыр
- Тез-тез ҝәзинтијә чыхыр
- Арадабир онун телефону ҹаваб вермир, зәнҝ чалса да, сусур
- Сизинлә бирликдә олмағынын һәјаты вә ја ишиндә әнҝәлләр јаратдығыны дүшүнүр
- Гәфләтән идман етмәјә башлајыр, өзүнә, ҝејиминә чох бөјүк диггәт верир
- Хәрҹләриндә артым вар
- Сизинлә данышанда фикри дағыныгдыр вә ҝөзләринизин ичинә баха билмир
- Сизинлә сојуг давраныр
- "Мәнә нә едәҹәјими демәјә чалышырсан?" дејә синирләнир
- Сизинлә "һуманист вә шәфгәтли" давраныр
- Ҝеҹәдән хејли кечмишәдәк компүтердә чалышыр вә ја телевизора бахыр
- Аилә гајғыларыны унутмаға башлајыр
- Һәр дәфә икиниз јанашы галанда санки сиз јохмуш тәки давраныр...
Диггәт: Хәбәрдән истифадә етдикдә мәнбәјә истинад лазымдыр
