Әһли Бејт -АБНА- хәбәр аҝентлијинин вердији хәбәрә әсасән Дүнән Бакы шәһәринин Сәбаил рајону әразисиндә полислә вәтәндаш арасында инсидент баш вериб. Саат 20:15 радәләриндә, Тејмур Елчин күчәси 3 үнванынын (“Ҝүлүстан” сарајынын јахынлығы) гаршысында “Киа Рио” маркалы автомобил Сәбаил рајон Полис Идарәсинин әмәкдашы, полис сержанты Бабајев Агшин Мурад оғлуну вуруб. Ағыр бәдән хәсарәти алмыш полис нәфәри Дахили Ишләр Назирлијинин Ариф Һејдәров адына һоспиталына јерләшдирилиб.
Мәлумата ҝөрә, һадисә А.Бабајев хидмәт апараркән баш вериб. Әразидә-Дағүстү паркда асајиши горујан полис әмәкдашы бурада гызла севишән бир ҝәнҹә хәбәрдарлыг едиб вә иҹтимаи низам-интизама дәвәт едиб. Лакин һәмин шәхс полислә мүбаһисәјә башлајыб. Даһа сонра исә “Киа Рио” маркалы автомобилинә минәрәк полиси вуруб. Һәмин шәхс дәрһал әразидән узаглашыб.
Һазырда А.Бабајеви вуруб гачан шәхсин мүәјјән едиләрәк мәсулијјәтә ҹәлб едилмәси истигамәтиндә иш апарылыр.
Диггәт: Хәбәрдән истифадә етдикдә мәнбәјә истинад лазымдыр
