Әһли Бејт -АБНА- хәбәр аҝентлијинин вердији хәбәрә әсасән Чеченистан Республикасынын башчысы Рамзан Кадыров Русијаны “Ислам дининин бир дүшмәни” адландырмыш кечмиш әл-Әзһәр унвериситетинин “шејхи” индики гәтәрли “илаһијјатчы” Јусиф әл-Гәрзавијә сәрт ҹаваб верди.
Кадыров билдириб: “Онун сөзләри илк нөвбәдә Русијада доғулан, јашајан вә бу өлкәни өз ана вәтәни билән Русија мүсәлманларына гаршы јөнәлиб. Мән үмидварам ки, Гәрзави өз сөзләри һаггында фикирләшәрәк, онларын јанлыш олдугларыны анлајар. Хүсусән дә она Ислам дүнјасы илә Русијаны гаршы-гаршыја гојмаг истәјән һансы гүввәләрин олмасы барәдә јахшы-јахшы фикирләшмәјә төвсијјә едирәм.”
Кадыров гејд едиб ки, “Гәрзавинин сөзләри Русија мүсәлманлары тәрәфиндән тәәҹҹүблә гаршыланыб.”
“Олкәмиздә 30 милјондан чох мүсәлман јашајыр. Онлар үчүн һәр ил јүзләр илә мәсҹид тикилир. Минләрнән инанҹлы һәҹҹә ҝедир, конститусија исә дини азадлығы тәмин едир.”
Кадыров Гәрзавијә һәмчинин ону хатырладыб ки, Русија “бәзиләрдән” фәргли олараг Суријада һәр ҝүн гадынларын, гоҹаларын вә ушагларын ганыны төкән муздлу террорчулары силаһла тәмин етмир.
Сонда Чеченистанын башчысы әлавә едиб: “Фикримҹә даһа јахшы оларды ки, о бир алим кими дини дәвәтлә мәшғул олсун вә бу иши пешәкарлара бухараг сијасәтә сохулмасын.”
Хатырладаг ки, “Мүсәлман гардашлары” тәшкилатынын идеоложи лидерләриндә сајылан 85 јашлы әл-Гәрдави һәмишә өз радикал бәјанатлары илә сечилирди. 2011-ҹи илдә о Ливија рәһбәри Мүәммәр Гәддафијә өлүм фәтвасыны чыхармыш вә Сурија мәсәләсиндә ҝүнаһсыз Сурија Халгына гаршы өлүмҹүл фәтвалар вермишдир. Онун ханымы Гәрзавинин МОССАДла олан бағлылығыны фаш етмишдир.
Диггәт: Хәбәрдән истифадә етдикдә мәнбәјә истинад лазымдыр
