Әһли Бејт -АБНА- хәбәр аҝентлијинин вердији хәбәрә әсасән Бакы шәһәр Баш Полис Идарәси, Јасамал рајон Полис Идарәсинин бир груп әмәкдашы арасында дава баш вериб.
Һүгуг-мүһафизә органынын 27-ҹи Полис Бөлмәсинин әмәлијјат мүвәккили, полис капитаны Заур Ахундов сыныг хәсарәти илә тәҹили тибби јардыма мүраҹиәт едиб. Она тибби јардым ҝөстәрилиб, голуна сарғы гојулуб.
Арашдырмалар нәтиҹәсиндә мәлум олуб ки, З.Ахундов илә полис сержантлары Вәлијев Самир Ејваз оғлу вә Талыбов Бәхтијар Намиг оғлу арасында дава-далаш баш вериб. Һәләлик сәбәби ачыгланмајан һадисә заманы сержантлар полис забитини вурараг она мүхтәлиф дәрәҹәли бәдән хәсарәтләри јетирибләр.
Һазырда мәсәлә илә әлагәдар мүвафиг органлар тәрәфиндән арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
