Әһли Бејт -АБНА- хәбәр аҝентлији- Бу ҝүн мүбарәк Зил-Һиҹҹә ајынын 18-ҹи ҝүнүдүр. Ислам Пејғәнбәри Муһәммәд Ибн Әбдуллаһын (сәлләллаһу әлејһи вә алиһ) ҹанишинин Аллаһ Тәала тәрәфиндән тәјим едилән ҝүнүдүр.
Бу ҝүн, бәшәријјәтин ән севинҹли ҝүнләриндән бири сајылыр. Бу анлар Алаһ Тәалаја едилән дуаларын гәбул олан анларыдыр. Биз АБНА олараг дүнја халгларынын бу севинҹинә гошулур вә мисилсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) Һәзрәтләринин өзүнү вә онун һагг наиби Имам Хаменеји ҹәнаблары олмагла бүтүн бәшәријјәти сәмими гәлбдән тәбрик едирик.
Гәдир-Хум барәдә гыса анлајыш
ГӘДИР-ХУМ
Гәдир-Хум бајрамы... Ислам тарихиндә өзүнәмәхсус әһәмијјәти олан бу һадисәни бајрам кими гејд едән илк шәхс мәһз, Аллаһ елҹиси Һәзрәти Мәһәммәд (сәлләллаһу әлејһи вә алиһ) олмушдур.
Пејғәмбәр Имам Әлини (әлејһис сәлам) өзүндән сонра мүсәлманлар үзәриндә хәлифә тәјин едиб о ҝүнү бајрам елан етмиш вә бу мүнасибәтлә мәрасим тәшкил етмишдир. Рәсуләллаһ (с) бу бајрам һаггында белә бујурмушдур: "Гәдир-Хум ҝүнү, үммәтимин ән фәзиләтли бајрам ҝүнүдүр. Бу һәмин ҝүндүр ки, Аллаһ-тәала гардашим Әли ибн Әбу Талиб үммәтимә Мәндән сонра Онунла һидајәт тапмалары үҹүн рәһбәр тәјин етмәји мәнә әмр етмишдир.
Гәдир-Хум һадисәси
Һиҹрәтин онунҹу илиндә Пејғәмбәр (сәлләллаһу әлејһи вә алиһ) фәризәни јеринә јетирмәк вә һәҹҹ мәрасимини иҹра етмәк үҹүн Мәккәјә јола дүшдү. Һәҹ мәрасимини өјрәнмәк вә Пејғәмбәрлә һәмсәфәр олмаг һәвәси илә о Һәзрәтлә јолдаш оланларын сајы тәхминән 120мин нәфәрә гәдәр олду.
Һәҹҹ мәрасими сона ҹатды. Карван Гәдир-Хум адли сусуз бир јерә ҹатанда вәһј мәләји назил олуб, Пејғәмбәрә дајанмаг әмри верди. Пејғәмбәр (сәлләллаһу әлејһи вә алиһ) әмр етди ки, һамы дајансын, архада галанлар да ҝәлиб ҹатсын.
Аллаһын әмри илә Маидә сурәсинин 67-ҹи ајәси назил олду:
"ЕЈ ПЕЈҒӘМБӘР, АЛЛАҺЫН ТӘРӘФИНДӘН СӘНӘ НАЗИЛ ОЛАНЫ ҸАМААТА ҸАТДЫР ВӘ ӘҜӘР ҸАТДЫРМАСАН, АЛЛАҺЫН РИСАЛӘТИНИ ЈЕРИНӘ ЈЕТИРМӘМИШ ОЛАРСАН. АЛЛАҺ СӘНИ ҸАМААТЫН ЗӘРӘРИНДӘН ГОРУЈАҸАГ." (Маидә сурәсинин 67-ҹи ајәси)
ГӘДИР-ХУМ ҺАДИСӘСИНИН ШӘРҺИ
Һиҹрәтин 10-ҹу илиндә милади тарихи илә 633-ҹү илдә, јәни ИСЛАМ Пејғәмбәринин (сәлләллаһу әлејһи вә алиһ) өмрүнүн сон илиндә Һәзрәти Мәһәммәд Пејҝәмбәр (сәлләллаһу әлејһи вә алиһ) өзүнүн сон ҺӘҸҸ мәрасимини тамамлајараг Мәдинәјә гајыдырды. Бу заман 120 миндән артыг мүсәлман әзиз Пејғәмбәрләрини (сәлләллаһу әлејһи вә алиһ) мүшајиәт әдирдиләр. Зилһиҹҹәнин 18-дә ҝүнортанын гызмар ҝүнәши шиддәтлә Гәдир-Хум дијарына саҹырды. Һәзрәти Мәһәммәд Пејҝәмбәр (сәлләллаһу әлејһи вә алиһ) ҝөзләнилмәдән һамыја бу исти сәһрада дајанмағы әмр етди. Бир аз өнҹә онлардан ајрылан Јәмән, Таиф вә башга дијарлардан олан мүсәлманларын архасынҹа гасид ҝөндәрәрәк онларын гајытмасыны истәди. Һамы зөһр намазы гилмаг үҹүн һазырлашырды.
Пејғәмбәр (сәлләллаһу әлејһи вә алиһ) зөһр намазыны о әзәмәтли ҹәмијјәтлә бирҝә гылды. Сонра ҹамаатын арасына ҝәлиб дәвәләрин паланларындан дүзәлдилмиш уҹа минбәрә ҹыхды вә уҹа сәслә бир хүтбә охуду. Даһа сонра Пејғәмбәр ҹамаата бујурду:
Еј ҹамаат! Јахын вахтларда мән һаггын дәвәтинә ләббејк дејиб сизин араныздан ҝедәҹәјәм. Мән дә мәсулам, сиз дә мәсулсунуз Мәним барәмдә нә фикирләширсиниз? Әтрафдакылар дедиләр: Шәһадәт веририк ки, сән Аллаһын динини тәблиғ етдин, бизә гаршы хејрхаһ олуб даим бизә нәсиһәт етдин.
Ҹамаат сакитләшәндән сонра Пејғәмбәр (сәлләллаһу әлејһи вә алиһ) бујурду:
- Мән сизин арнызда ики гијмәтли әманәт јадиҝар гојурам.
Еј ҹамаат! Аллаһын китабындан вә мәним итрәтимдән габаға кеҹмәјин вә икисиндән ҝери галмајын ки, нәтиҹәдә мәһв олмајасыныз. Даһа сонра Ислам Пејғәмбәри (сәлләлаһу әлејһи вә алиһ) бир нечә кәлмә Һәзрәти Имам Әлинин (әлејһис сәлам) фәзиләтләриндән, онун барәсиндә назил олан ајәләрдән данышараг бујурду: Еј мүсәлманлар, мән сизә сизин өзүнүздән даһа јахын дејиләмми? (Јәни мәним әмр вә ҝөстәришләрим сизин өз фикирләриниздән даһа әһәмијјәтли дејилми? Мән сизин рәһбәриниз дејиләмми?) Дедиләр: Бәли ја Рәсуләллаһ!
Бу вахт Пејғәмбәр Әлинин (әлејһис сәлам) әлиндән тутуб јухары галдырды ки, о гәдәр галдырды ки, бөјрүнүн ағлығы һамыја ҝөрүндү.
"Мән һәр кәсин мөвласы вә рәһбәријәмсә, Әли дә онун мөвласы вә рәһбәридир". Пејғәмбәр бу ҹүмләни үч дәфә тәкрар едәрәк бујурду:
Пәрвәрдиҝара, Әлини севән һәр кәси сев. Әли илә дүшмән олан сәндә дүшмән ол. Она көмәк едән шәхсә көмәк ет, ону зәлил етмәк истәјәни зәлил ет!
Даһа сонра вәһј мәләји Пејғәмбәрә хәбәр верди ки, Аллаһ буҝун өз динини камиллләшдириб, өз немәтини бүтүн мөминләрә бол етди.
Бу вахт Пејғәмбәр уҹа сәслә бујурду:
АЛЛАҺА ШҮКҮР ЕДИРӘМ КИ, ӨЗ ДИНИНИ КАМИЛ ЕТДИ ВӘ ӨЗ НЕМӘТИНИ СОНА ҸАТДЫРДЫ, МӘНИМ РИСАЛӘТИМДӘН ВӘ МӘНДӘН СОНРА ӘЛИНИН ВИЛАЈӘТИНДӘН РАЗЫ ОЛДУ.
Даһа сонра үзүнү бүтүн мүсәлманлара тутараг: Ҝедин Әли (әлејһис сәлам) илә беј`әт един! Бујурду.
Һәзрәти Имам Әлијә (әлејһис сәлам) һамыдан өнҹә Өмәр, сонра Әбу Бәкр даһа сонра Осман, Тәлһә, Зүбәјр вә бүтүн мүсәлманлар бејәт етдиләр...
Диггәт: Хәбәрдән истифадә етдикдә мәнбәјә истинад лазымдыр
