Әһли Бејт -АБНА- хәбәр аҝентлијинин вердији хәбәрә әсасән бу ҝүн 29 сентјабр 2012 тарихдә Азәрбајҹан Ислам Партијасы күфрә сәсләнәрәк Франса сәфирлији гаршысында “Мүсәлманларын мәсумијјәти” филми вә Франса журналында дәрҹ едилән Һәзрәти Мәһәммәдин (сәлләлаһу әлејһи вә алиһ) карикатурасына етираз олараг аксија кечириб.
Анти-күфр аксија заманы әлијевләрин “күфр командасы” Исламчылара гаршы тәзјигләр ҝөстәрәрәк бир груп инанҹлылары сахламышлар.
Лакин анти-күфр аксија заманы сахланыланларын һамысы.саат 14:00 радәләриндә сәрбәст бурахылыб
Анти-күфр аксија заманы ашағыда гејд етдијимиз гәтнамәнин охунмасына иҹазә верилмәјиб.
Гәтнамәни сизә тәгдим едирик:
Бу ҝүн дүнјанын тәрәггипәрвәр бәшәријјәти Аллаһын онлара мисилсиз һәдијјәләринә гаршы нанкорлуг едәнләри ләнәтләмәкдир. Америка Бирләшмиш Штатларында, Франсада артыг биринҹи дәфә дејил ки, Бөјүк Јараданын инсанлығын низамы үчүн ҝөндәрдији мүгәддәс Китаб Гурани-Кәримә мурдар әлләр узадылыр, әзиз Мәһәммәд(с) Пејғәмбәр тәһгирамиз һүҹумлара мәруз галыр. Бу, АБШ Франса ҹәмијјәтләриндә јарадылан вәһшилијин сон һәддидир. Бәшәр үчүн Аллаһ тәрәфиндән сечилән шәхсијјәтләрин әсл гијмәтинин һәлә индијә кими һеч бир дүнја алими, философ, сијасәт хадими рәһбәри тәрәфиндән верилә билмәдији һалда онларын һаггында, хүсусән сонунҹу Пејғәмбәримиз һаггында карикатура, ашағылајыҹы филмин чәкилмәси һеч дә тәсадүфү дејил. Шејтанын бу аддымларыны дәстәкләјән, малијјәләшдирәнләр тәкҹә мүсәлманларын дејил, Франса, Америка, үмумән бүтүн халгларын дүшмәнләридир. Чүнки Ислам бәшәри дин олдуғуну иргиндән, миллијјәтиндән, дини инанҹындан асылы олмајараг һәр бир тәфәккүр саһиби, раһат, азад дүнја ҹох ахирәт арзусунда оланлар тәрәфиндән гәбул едилир, јајылыр. Истәр АБШ-да, истәрсә дә Франсада һәр ил 2-3 јүз миндән артыг инсан мәһз инанҹы, һәјат тәрзи үчүн Ислам динини сечир. Бу мүһүм амил дүнјаны ган чәлләјинә чевирмәк истәјәнләри арзуларынын пуч олаҹағындан нараһат едир. Диҝәр бир ҹәһәд исә, һәм дә ән аҹынаҹаглысы бу анти-бәшәри һәрәкәтләрин динләрарасы мүнасибәтләрин корланмасына өлчүлмәсидир ки, артыг бәзи фаҹиәләрин шаһиди олмушуг. Инсан өлүмү илә нәтиҹәләнән һадисәләрдә тәәссүфләр олсун ки, һаким даирәләр јахаларыны узаға чәкирләр. Әслиндә белә һаллар өлкәләрин динә гаршы сијасәтләриндән гајнагланыр. Биз пикет иштиракчылары һесаб едирик ки, нагисликләрин, анти-дини, анти-ислами һәрәкатларын гаршысыны сивил, демократик вә һүгуги ҹәһәтдән алмағын - бу истигамәтдә ганунларын гәбул едилмәсинин вахты чатмышдыр. Бу һәмдә милјардларла инсанын мәнәви һүгугунун горунмасы олаҹаг.
Диггәт: Хәбәрдән истифадә етдикдә мәнбәјә истинад лазымдыр
