Әһли Бејт -АБНА- хәбәр аҝентлијинин вердији хәбәрә әсасән Түркијәнин ана мүхалифәт Ҹүмһуријјәт Халг партијасынын лидери Камал Кылычдароғлу ачыглајыб: “Баш назири Рәҹәб Тајјиб Әрдоғанын һәмсөһбәти Өҹаландыр”.
Кылычдароғлу Баш назир Рәҹәб Тајјиб Әрдоғанын “Имралы илә әлагәдар данышыглар јенә башлаја биләр” сөзләрини тәнгид едиб:
'Әҝәр баш назир чыхыб иҹтимаијјәт өнүнә “Өҹаланла мүзакирә апарылмалыдыр” дејә бәјанат верирсә, артыг онун һәмсөһбәти Өҹаландыр. Мән буну гәбул етмирәм. Һеч ким инҹимәсин. Сиз өз һәмсөһбәтинизи мүәјјән едирсиниз. Сиз “Чијниндә силаһ олан мәним һәмсөһбәтимдир, амма мәҹлисдә милләт вәкили олан мәним һәмсөһбәтим ола билмәз” дејирсиниз. Зиддијјәтә бахын. Силаһы олмајанын тохунулмазлығыны ләғв едәҹәксән, ҹәзаландыраҹагсан, мүзакирә апармајаҹагсан, анҹаг силаһлыја дејирсән ки, “ҝәл отур гаршыма, биз сәнинлә отуруб данышаҹағыг”. Биз буну гәбул етмәрик".
Диггәт: Хәбәрдән истифадә етдикдә мәнбәјә истинад лазымдыр
