Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын 20 иллији гејд олунур. Бу илләр әрзиндә АИП сијасәти Ислам мејарлары илә узлашдыран јеҝанә бир партија олараг Милләтинә вә торпагларынын әрази бүтөвлүјүнә әбәссиз хидмәтләр ҝөстәрмишдир.
Бу бахымдан Ислам Партијасынын рәсми сајты олан “исламинсеси.аз” сајтынын мүхбири нөвбәти мүсаһибәсини Мүбариз Руһаниләр Ҹәмијјәтинин сәдри Тоһид Ибраһимбәјли илә апармышдир.
Мүсаһибәни зијарәтчиләримизә тәгдим едирик.
-Кечмишдә Азәрбајҹанда дин алимләри јашамышлар. Онлар сијаси Ислам тәфәккүрл, иҹтимаијәтҹи кими танынмыш вә бу иттиһамларла тәгиб олунмушлар. Сизә елә ҝәлмир ки, бу сијаси исламын бу ҝүн дејил әввәлдән Азәрбајҹанда мөвҹуд олмасы демәкдир ?
Азәрбајҹан тарихини дүзҝүн мүталиә едән шәхсләр буну јахшы билирләр ки, кечмиш 100 ил әрзиндә өлкәмиздә јүзләрлә мүҹтеһид вә дин алими дини етигадларына әсасән өз зәманәләринин зүлмүнү ҝөрүб вә о зүлмләрә етираз етдикләри үчүн һакимијјәт тәрәфиндән шәһид олунуб, хәзәр дәнизиндә өлдүрүлүб вә јүзләрлә алим дә Сибир кими јерләрә сүрҝүн олунублар. Онларын бу һәрәкәтләри бизләрә сүбут едир ки, Азәрбајҹанда дини әсл исламчылар сијасәтдән ајырмајыблар, бәлкә әксинә ислам динини сијасәт вә ганун дини адландырыблар. Биз дини тәлиматлара да , Гурани Кәримә дә мүраҹиәт етсәк ҝөрәрик ки, ислам дини бизим үчүн иҹтимаи вә сијаси диндир. Бундан нәтиҹә алмаг олар ки, тәкҹә Азәрбајҹанда дејил, бүтүн дүнјада һәр мүсәлманын вәзифәсидир ки, сағлам сијаси фәалијјәтләрлә мәшғул олсун вә јахуд о кәсләр ки, бу вәзифәни исламчылар тәрәфиндән бојунларына ҝөтүрүбләр онлара дәстәк олсунлар.
-Гәрб өлкәләриндә инанҹлы христианларын “Христиан-Демократ Партијасы” кими сијаси тәшкилатлары фәалијјәт ҝөстәрир. Өлкәмиздә дә “Ислам” ады илә ганунвериҹилик чәрчивәсиндә, демократик әнәнәләрә ујғун партијанын фәалијјәтини неҹә дәјәрләндирирсиниз?
95% мүсәлман олан өлкәдә бу нөв партијаларын фәалијјәти мүсәлманлар үчүн һәр шејдән ваҹибдир. Бу ҝүн биз исламчыларын сијаси трибунлара чох еһтијаҹымыз вар ки, сивил вә сијаси јолларла өз һугуларымызын мүдафиәсинә галхаг.
-Ҹәмијјәтдә, о ҹүмләдән дә диндарларын ичәрисиндә белә бир фикир јараныб ки, Мөһсүм Сәмәдовун һәбсиндән сонра АИП-дә әввәлки аб-һава галмајыб. Сизҹә бу беләдирми ?
Сиз буна әмин олун ки, һаҹы Мөвсүмдән сонра партијаја олан тәзјигләр вә һәбсләр, шәрләнмәләр, кампанијалар, тәһдидләр һансы бир ајры партијаја олсајды инди о партијадан әсәр- әламәт галмамышдыр. Бу партијаны Аллаһ горујур өна ҝөрә ки, бу партијаны пак инсанлар пак нијјәтләри илә ислам вә вәтәнимизин мүстәгиллик уғрунда тәшкил едибләр.
-Ислам Партијасы фәалијјәтини изләјән бир исламчы кими неҹә дүшүнүрсүнүз, Ислам Партијасы Исламда сијасәт, јохса сијасәтдә Ислам принсипи илә чыхыш едир?
Ислам партијасынын фәалијјәтләри дедикдә әҝәр атылан аддымлар вә едилән чыхышлар , тәшкил олунмуш сәрҝиләр вә јығынҹаглар , аксијалар вә конфранслар нәзәрә тутулурса бүтүн бу аддымлар ислам сијасәтини тәблиғ етмәк уғрунда атылыб вә бу јолда да репрессиалара, һәбсләрә мәруз галыб вә һәтта шәһидләр дә верибләр.
-АИП-ә нә төвсијә едир, нә арзулајырсыныз?
АИП- бу ҝүн орда мәсүлијјәтдә олан шәхсләрин әлиндә әманәтдир. Бу јолда чохлу зәһмәтләр чәкилиб, бу әманәтә хәјанәт етмәк бағишланмаз ҝүнаһ вә хәјанәт сајылар. Бу партија Азәрбајҹан ислам һәрәкатынын илк рәһбәри мәрһум муҹаһид һаҹы Әликрамын Азәрбајҹан исламчылары үчүн гојдуғу әманәтдир. Ҝәрәк бу партијаны јалныз ислам, вәтән, мүстәгиллијимиз уғрунда сағлам фикирли инсанларин әли илә идарә етсинләр вә бу јолда Аллаһа тәвәккүл вә 14 мәсума тәвәссүл етмәји унутмасынлар. Һаҹы Мөвсүмүн ихласи вә 14 Мәсума тәвәссүлү олдуғу үчүн онун бир чыхышы бүтүн залымлары ләрзәјә салды, өлкәмиздә јени бир һәрәката старт верилди. Арзум будур ки, иншаллаһ тезликлә һаҹы Мөвсүм гардаымыз һәбсдән азад едилсин вә партијада олан вәһдәт даһа да ҝүҹләнсин. Бу дәјәрли партија иншаллаһ Азәрбајҹан исламчыларынын Аллаһ вә 14 мәсумдан сонра ән бөјүк дајаг вә үмүд нөгтәсинә чеврилсин Амин. Амма буну да унутмаг лазим дејил ки, партијаны һәдәфә алан дүшмәнләр чохдурлар. Партијаны ҝөздән вә нүфуздан салмаг истәјәнләр бәс гәдәрдир. Бу гүввәнин башында Исраил режими дајаныр, шејтан дајаныр. Она ҝөрә дә мөһкәм, ајыг, мүдрик вә иманлы олмаг лазымдыр.
Вәсәлламу әлејкум вә рәһмәтуллаһи вә бәрәкатуһ.
Диггәт: Хәбәрдән истифадә етдикдә мәнбәјә истинад лазымдыр
