Әһли Бејт -АБНА- хәбәр аҝентлијинин вердији хәбәрә әсасән Бакынын бир сыра мағазаларында чөрәјин гијмәти галхыб. Бәзи мағазаларда гијмәти 30 гәпијә олан чөрәјин ахшамдан 35 гәпијә сатылдығы мүшаһидә едилиб. Унун гијмәтиндә дә артым мүшаһидә олунуб.
АНС әмәкдашларынын бир нечә дәјирманда апардығы мүшаһидәләр заманы мәлум олуб ки, әҝәр 2 ај бундан әввәл 1 кисә унун гијмәти 17 манат 50 гәпик идисә, инди 19 манат 50 гәпик олуб.
Истеһсалчылар баһалашмаја сәбәб кими хариҹи өлкәләрдә һөкм сүрән гураглыгла бағлы идхал олунан буғданын баһалашмасыны ҝөстәрир.
Гејд едәк ки, чөрәк базары мүтәмади гајдада нәзарәт едилән базардыр. Игтисади Инкишаф Назирлији јанында антиинһисар сијасәти хидмәти вахташыры олараг чөрәјин гијмәти илә бағлы мониторинг кечирир.
Диггәт: Хәбәрдән истифадә етдијдә мәнбәјә истинад лазымдыр
