Әһли Бејт -АБНА- хәбәр аҝентлијинин вердији хәбәрә әсасән Бејләган мәркәзи базарында ишләјән 50-јә јахын саһибкар сентјабрын 19-да рајон иҹра һакимијјәти гаршысында етираз аксијасы кечириб.
Саһибкарларын ачыгламаларына ҝөрә, онларын етиразына сәбәб мәркәзи базарын әсас јола чыхан гапысынын бағланмасыдыр. Саһибкарлар һесаб едир ки, базарын әсас ҝириш гапысынын гајнаг едилмәси онларын тиҹарәтинә мәнфи тәсир ҝөстәрмәкдәдир.
Онлар белә бир аддымын һансы сәбәбдән атылмасыны билмирләр вә тәләб едирләр ки, базарын әсас ҝириш гапысы ачылсын.
Саһибкарлардан алдығымыз мәлумата ҝөрә, бир гәдәр сонра иҹра башчысы онлары гәбул едиб вә базарын гајнаг едилмиш гапысынын ачылмасына ҝөстәриш вериб.
Бејләган Иҹра Һакимијјәтинин мөвгејини өјрәнмәк мүмкүн олмајыб.
Диггәт: Хәбәрдән истифадә етдијдә мәнбәјә истинад лазымдыр
