Ким мәни севирсә севсин Әлини
Буну сөјләмишди пејғәмбәримиз,
Динин шәһәри мән,гапысы Әли
Өрнәк гојурам мән бу кәлмәләри.
Гуранын натиги Әлидир, Әли
Һәггын әдаләтин мәктәби Әли
Кәбәнин евиндә дүнјаја ҝәлән
Исламын мисилсиз ҝовһәри Әли.
Пејғәмбәр чијниндә бүтләри гыран,
Дүшмәнин өнүндә гүрурла дуран
Хејбәр гапысыны јердән гопаран
Шаһи шәһиданым вүгарым Әли.
Ҹани Мустафасан ҹани Зәһрасан
Шәһадәт јолунда ешги дуасан
Шәфаәт исдәрик ағаҹан сәндән
Шәһадәт мүлкүндә шири Худасан.
Олмусан әзәлдән мәһбубеји гәһһар,
Сәнин кәдәринә мәләкләр ағлар,
Ешг илә чыхдыгда гында Зүлфүгар,
Дүшмәнин горхудан үрәји гопар.
Сән көчдүн дүнјадан онда билинди
Фәгирләр, јетимләр биһудә галды,
Шиә дүнјасынын сөндү ишығы,
Әли ашигләри аварә галды.
МҮӘЛЛИФ: Улкәр Сәбуһи.
Диггәт: Хәбәрдән истифадә етдијдә мәнбәјә истинад лазымдыр
