Әһли Бејт -АБНА- хәбәр аҝентлијинин вердији хәбәрә әсасән Бејнәлхалг Космос Стансијасында хидмәт ҝөстәрән америкалы астронавт Жозеф Аҹаба, рус космонавтлар Ҝеннади Падалка вә Серҝеј Ревини дашыјан Русијанын "Сојуз" ҝәмиси Јерә гајыдыб.
Америка Аерокосмик Идарәсинин (НАСА) телевизијасы 123 ҝүндән сонра "Сојуз" Газахыстан чөлүнә парашүтлә јумшаг ениш етдијини ачыглајыб.
Космонавтлар вә астронавтын енишдән дәрһал сонра һәкимләрин нәзарәтиндән кечдији вә онларын вәзијјәтинин јахшы олдуғу билдирилир.
Һәлә дә Бејнәлхалг Космос Стансијасында олан америкалы астронавт Сунита Виллиамс, јапон астронавт Акиһито Хошуда вә рус космонавт Јури Маленченкоја 17 октјабрда јени груп гатылаҹаг.
Гејд едәк ки, Сунита Виллиамс, Јури Маленченко вә Акиһито Хошуданы дашыјан "Сојуз" 15 ијулда Газахыстанын Бајконур космик базасындан космоса ҝөндәрилмишди.
Диггәт: Хәбәрдән истифадә етдијдә мәнбәјә истинад лазымдыр
