Әһли Бејт -АБНА- хәбәр аҝентлијинин вердији хәбәрә әсасән Иран Ислам Шурасы Мәҹлисинин сәдри Канаданын Теһрандакы сәфирлијинин фәалијјәтинин дајандырылмасы илә әлагәдар бу өлкә һөкумәтинин јүнҝүл сијаси давранышыны Теһранда кечирилән Гошулмама Һәрәкатынын 16-ҹы зирвә топлантысынын наилијјәтләри гаршысында өзүнү итирмәсини ҝөстәрир.
ИРНА-нын мәлуматына ҝөрә, Ислам Шурасы Мәҹлисинин сәдри Әли Лариҹани парламентин буҝүнкү ачыг иҹласында дејиб: Бәзи Авропа өлкәләринин мөвгеји вә онларын игтидарыны нүмајиш етдирмәсиндән даһа чох гејри-мүнасиб олан функсијалары онларын пассивлијини ҝөстәрир.
Канаданын хариҹи ишләр назири, ҹүмә ҝүнү Иран Ислам Республикасына гаршы дүшмән мөвгели бир һәрәкәтлә бәјанат верәрәк билдириб ки, бу өлкә Теһрандакы сәфирлијинин фәалијјәтини дајандырыб вә Иран Ислам Республикасынын Канададакы дипломатларына өлкәни тәрк етмәк үчүн 5 ҝүн вахт вериб.
Иран Ислам Шурасы Мәҹлисинин сәдри һабелә Гошулмама Һәрәкатынын 16-ҹы зирвә топлантысынын Теһранда уғурла кечирилмәсинә тохунараг әлавә едиб: Бу иҹласын уғурла кечирилмәси бејнәлхалг вә реҝионал сәвијјәдә стабиллик, тәһлүкәсизлик вә һәмрәјлијин јарадылмасында ИИР-ын игтидары вә мәсулијјәтли олдуғуну ҝөстәрир.
ИИР-ын ганунвериҹилик гүввәсинин сәдри сөјләјиб: 100-дән чох мүхтәлиф өлкәнин сијаси рәсмиләринин јүксәк сәвијјәдә иштиракы Ирана гаршы бир нечә өлкәнин експансионист һәрәкәтләринә јухары дәрәҹәдә “јох” ҹавабы вермәси иди. Белә ки, бу бир нечә өлкә илләрдир дәфәләрлә билдирирләр ки, бејнәлхалг иҹтимаијјәт Иран Ислам Республикасынын сүлһмәрамлы нүвә технолоҝијасындан ниҝарандыр.
Диггәт: Хәбәрдән истифадә етдијдә мәнбәјә истинад лазымдыр
