Әһли Бејт -АБНА- хәбәр аҝентлијинин вердији хәбәрә әсасән Испанија һөкумәти билдириб ки, ијул ајында Испанија банкларынын Мәркәзи Авропадан ҝөтүрдүјү борҹлар 375,5 милјард авроја чатмышдыр. Бу да ваһид валјутанын дөвријјәјә бурахылмасындан бәри рекорд ҝөстәриҹи һесаб олунур.
Испанија Мәркәзи Банкынын мәтбуата вердији ачыгламасында дејилир ки, гејд олунан борҹларын һәҹми ијун ајы илә мүгајисәдә 11,4 фаиз артмышдыр. Бу да өтән илин мүвафиг дөврү илә мүгајисәдә 7 дәфә чохдур.
Билдирилмишдир ки, Испанијанын борҹу ијул ајы әрзиндә Авропа Мәркәзи Банкы тәрәфиндән верилмиш кредитләрин 50,5 фаизинә бәрабәрдир.
Диггәт: Хәбәрдән истифадә етдикдә мәнбәјә истинад лазымдыр
