Әһли Бејт -АБНА- хәбәр аҝентлијинин вердији хәбәрә әсасән Мјанмада бу ҝүндән КИВ-дә сензура ләғв олунуб. Сензуранын ләғв едилмәси 2011-ҹи ил мартын 30-да вәзифәсини иҹра етмәјә башлајан президент вә кечмиш ҝенерал Тејн Сејн тәрәфиндән апарылан өлкәнин либераллашдырылмасы чәрчивәсиндә һәјата кечирилиб.
Гејд едәк ки, јени президентин илк аддымларындан бири мүхалифәт лидери вә Нобел лауреаты Аун Сан Су Ҹинин 15 ил ев дустаглығындан азад едилмәси олуб. Онунла бирликдә јүзләрлә сијаси мәһбус азад едилиб, Аун Сан Су Ҹи исә парламентә депутат сечилиб.
Бу илин феврал ајында АБШ Мјанмада апарылан сијаси ислаһатлара ҹаваб олараг өлкәјә гаршы гүввәдә олан бир сыра санксијалары арадан ҝөтүрүб, ијулун 11-дә исә 22 иллик фасиләдән сонра АБШ сәфири өлкәјә гајыдыб. Бундан әлавә апрелдә Авропа Иттифагы өлкәләринин хариҹи ишләр назирләри дә Мјанмаја гаршы санксијаларын арадан галдырылмасы барәдә гәрар гәбул едибләр.
P.S: Хатырладаг ки, бир ај өнҹә Мјанмада бүтпәрәст дөвләт АБШ, Авропа Иттифагы вә сионист режиминин пәрдәархасы разылығы илә, рәсмән Мүсәлман Сојгырымына әл атмышдыр.
Диггәт: Хәбәрдән истифадә етдикдә мәнбәјә истинад лазымдыр
