Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Мәдәнијјәт вә Ислам Оријентасија Назирлијинин Һүгуг шөбәсинин рәһбәри Әһмәд Әли Моһсензадә билдириб: “Иран Ислам Республикасы интелектуал мүлкијјәт һүгугларынын мүдафиәси үзрә Берн Конвенсијасына гошулмаг нијјәтиндәдир”.
Онун сөзләринә ҝөрә, бу лајиһә үзрә сәнәдләшдирмә һазырланыб.
Әһмәд Әли Моһсензадә даһа сонра дејиб: "Хүсуси комиссија јарадылыб вә ганун лајиһәсинин һазырланмасы үзрә 70-дән чох иҹлас кечирилиб. Һазырда комиссијанын иши гуртарыб. Ај әрзиндә Назирләр Кабинетиндә ганун лајиһәсинин тәсдигләнмәси ҝөзләнилир".
Әдәбијјат вә инҹәсәнәт ишләринин мүдафиәси үзрә Берн Конвенсијасы – 1886-ҹы илдә Исвечрәдә Берн шәһәриндә гәбул олунмуш мүәллиф һүгуглары саһәсиндә бејнәлхалг разылашмадыр. Бу саһәдә илк вә әсас бејнәлхалг разылашма одур. Конвенсијанын илк иштиракчылары Белчика, Алманија, Франса, Испанија, Бөјүк Британија, Тунис вә Исвечрәдир.
Диггәт: Хәбәрдән истифадә етдикдә мәнбәјә истинад лазымдыр
