Әһли Бејт -АБНА- хәбәр аҝентлијинин вердији хәбәрә әсасән артыг икинҹи ҝүндүр ки, Бакыда, Ҝәнҹәдә вә Сумгајытда күрд әсилли, һәмчинин ПКК-ја симпатијасы олан ширкәт, кафе вә диҝәр бизнес структурларындан пул јығылыр.
Ири ширкәтләр 10 мин манат, јердә галанлар исә 2-5 мин манат арасы пул өдәмәјә башлајыб.
Гејд едилир ки, пул јығымына Бакыда бир заманлар Бакы Дөвләт Университетиндә тәһсил алан вә һазырда метронун “Ҝәнҹлик” стансијасындан Ајна Султановајадоғру ҝедән јол үстүндә ки, түрк локантасына нәзарәт едән шәхс рәһбәрлик едир.
Мәнбә билдирир ки, сонунҹу дәфә белә пул јығымы 2 ил өнҹә олмушду вә онда ајдын иди ки, пулларын бир һиссәси Түркијәјә, диҝәр һиссәси исә Алманијаја ҝөндәрилди. Амма сонра нәдәнсә јүксәк сәвијјәли бир мәмурун сөзү илә бу кампанија дајанды. Һәмин вахт исә пул јығымына иҹра башчыларындан бири нәзарәт едирди. Инди исә кампанијаја јенидән старт верилиб.
Хәбәрлә бағлы бу линки тыклајараг охујун: Исраилин марагларына ујғун, Азәрбајҹана күрд көчү!
Диггәт: Хәбәрдән истифадә етдикдә мәнбәјә истинад лазымдыр
