Әһли Бејт -АБНА- хәбәр аҝентлијинин вердији хәбәрә әсасән исламинсеси.аз сајты Азәрбајҹан Халг Партијасынын лидери Пәнаһ Һсејиндән Азәрбајҹан Ислам Партијасына вә онун апардығы сијасәтләрә даир фикрини өјрәниб.
Мүсаһибәни диггәтинизә чатдырырыг:
-Гәрб өлкәләриндә инанҹлы христианларын “Христиан-Демократ Партијасы” кими сијаси тәшкилатлары фәалијјәт ҝөстәрир. Өлкәмиздә дә “Ислам” ады илә ганунвериҹилик чәрчивәсиндә, демократик әнәнәләрә ујғун партијанын фәалијјәтини неҹә дәјәрләндирирсиниз?
Нормал дәјәрләндирирәм.
-Ислам Партијасы фәалијјәтини изләјән бир сијасәтчи кими неҹә дүшүнүрсүнүз Ислам Партијасы Исламда сијасәт јохса сијасәтдә Ислам принсипи илә чыхыш едир?
Азәрбајҹан Ислам Партијасынын сон илләрдә фәалијјәти һаггында мәлуматым зәифдир. Сөзүн ачығы буну даһа чох АИП- нын өзүнүтәҹрид сијасәти илә әлагәләндирирәм. Партијанын сијаси идеолоҝијасы һаггында мәним мүшаһидәләримә ҝөрә азәрбајҹан ҹәмијјәтинин ҝениш чеврәләриндә тәсәввүрләр јох дәрәҹәсиндәдир. Бу проблем АИП- и дүшүндүрмәлидир.
-Мүхалифәт ҹәбһәсиндә олан бир шәхс кими индики һакимијјәтин тәгибләринә шәхсән чох мәруз галмысыныз. Һәмчинин Ислам Партијасынын рәһбәрләри дә онлара гаршы даһа ағыр ишҝәнҹәләр вә һагсызлыглар ҝөрмүшдүләр. Бу тәзјигләр арасында паралеллик вармы вә ја АИП-ин бу гәдәр сыхышдырылмасы нәдән гајнагланыр?
Мөвҹуд Азәрбајҹан игтидары Гәрб иҹтимаи – сијаси рәјиндә исламафобија тенденсијаларыны истисмар едир вә ејни заманда тәлгин етмәк истәјир ки, азәрбајҹанда ашыры динчиләрин һакимијјәтә ҝәлмә тәһлүкәси вар вә бунунла да өзүнүн антидемократик режиминә дәстәк вә һагг газандырмаг истәјир. “Динчиләрә” гаршы репрессијаларын бир сәбәби будур. Икинҹи мүһүм ҹәһәт “Иран тәһлүкәси” мәсәләсидир ки, АИП – дә Иранпәрәст мејлләрин, даһа дөғрусу Иран политикасынын азәрбајҹан узантысы кими тәгдим едилир. Ачығы, АИП- өзү дә бу рәјин арадан галхмасында мараглы ҝөрүнмүр.
-АИП-ин Низамнамә вә Мәрамнамәсиндә дүнјәви дөвләтчилик приоритетдир. Белә партија илә паралел сијаси фәалијјәт ҝөстәрмәк, үмуми һәдәфә доғру һәрәкәт етмәкдә Сизә нә мане олур?
Мәним үчүн АИП- ин Низамнамәсиндә дүнјәви дөвләтчилијин приоритет олмасы јениликдир. Бизим үчүн әмәкдашлығы гејри мүмкүн едән шејләр јохдур. Анҹаг јухарыда да дедим ки, АИП Азәрбајҹан сијасәтиндә өзүнүтәҹрид сијасәти апарыр. Һәтта АИП- ин бир сыра тәдбирләриндә демократик дүшәрҝәнин бәзән игтитардан да артыг тәнгид вә иттиһам едилмәси бизи һәмишә тәәҹҹүбләндириб вә бир чохлары буну хариҹи тәсирлә бағлајыр.
-Иҹтимаи Палата Һиҹаб Мәһбусларынын һүгугларыны јетәринҹә мүдафиә едир. Амма һәбсләрин сәбәби олан сүни һиҹаб гадағасыны һакимијјәт гаршысында һаглы тәләб кими гојмур. Сизҹә ҹәмијјәт буну неҹә баша дүшәр?
Информасијаныз дәгиг дејил вә јанлышдыр. Иҹтимаи Палата диндар јалныз һиҹаб мәһбусларыны дејил , диндар, инанҹлы чеврәјә гаршы репрессијалары, о ҹүмләдән АИП - ә гаршы тәгибләри сијаси тәгиб акты кими таныјыб, онун сәдри вә рәһбәрлијинин, үзвләринин һәбси әлејһинә чыхыш едиб, бу јондә рәсми мөвгеләрини дәфәләрлә ачыглајыб вә давамлы олараг мөвгедә галыр. Конкрет суалыныза ҝәлдикдә исә һиҹаб гадағасынын ҝөтүрүлмәси ИП- ин әсас сәнәди олан “Авторитаризмдән демократијаја кечидин Јол Хәритәсиндә рәсмән әксини тапыб.
Елшән Ҹәфәри
Диггәт: Хәбәрдән истифадә етдикдә мәнбәјә истинад лазымдыр
