Әһли Бејт -АБНА- хәбәр аҝентлијинин вердији хәбәрә әсасән gunxeber.com сајты Азәрбајҹан Ислам Партијасынын Лерик, Бинәгәди, Сумгајыт рајон комитә сәдрләринин истефа вердикләрини билдирмишдир.
Ҝуја бу хәбәри gunxeber.com-а партијанын мәтбуат хидмәти билдирмишдир. Бунунла бағлы “Исламинсеси.аз” хәбәр порталы АИП сәдринин сијаси мәсәләләр үзрә мүавини Акиф Һејдәрлидән мәлуматын һәгигәтә ујғун олуб-олмамасы барәдә фикир билдирмәсини хаһиш етмишдир.
Һејдәрли демишдир: “gunxeber.com сајтынын АИП-дә истефалар барәдә хәбәрләрин һеч бири һәгигәтә ујғун дејил. Мән бу сајтын кимә вә ја һара мәхсуслуғу барәдә бир сөз дејә билмәрәм, амма хәбәр порталыны малијјәләшдирәнләр, һәр һалда, вәсаитинин мәһкәмәләрдә әлиндән алынмасына ҝөрә әмәкдашларынын башыны тумарламазлар. Бу барәдә јәгин ки, мүзакирәләримиз олаҹагдыр. Јалан информасија һәм дә бу сајтын әмәкдашларынын өз ишләринә нә гәдәр мәсулијјәтсизликлә јанашмасындан хәбәр верир. Мән онлары Исламчы олмаға, имана јетишмәјә, ән азы мүгәддәс Рамазан ајында ағыздолусу јалан данышмагдан чәкинмәјә дәвәт едәрдим. Икинҹиси дә ки, күләк дағдан нә апарар? Ислам Партијасы ән екстремал шәраитдә белә нәинки бу кими психоложи тәзјигләрдән, дүнјада ҝедән сијаси тенденсијалардан, һеч Исламчылара гаршы апарылан тәгиб вә һәбсләрдән дә диксинмир, раһатсыз олмур.”
Диггәт: Хәбәрдән истифадә етдикдә мәнбәјә истинад лазымдыр
