Әһли Бејт -АБНА- хәбәр аҝентлијинин вердији хәбәрә әсасән Самух рајонуна сәфәр едән диндарларын, ады ҹәкилән рајондан шикајәтләри сәнҝимәк билмир. Белә ки, бу шикајәтләрин әксәријјәти орада дини ајинләрлә бағлы проблемләрин јашанмасы олуб. Бу проблемләр бир чох интернет ресусларында јајымландығындан, биз бу проблемләрин һәллинә үмид едиб сајтымыза үнванланан бу шикајәтләри ишыгландырмырдыг. Амма бизим бу һуманистлији позмағымыз охуҹуларымызын һаглы наразылығына сәбәб олуб. Елә бу сәбәбдән бизә ҝәлән бу шикајәтләри ҹәмләјиб бу барәдә бир хәбәр һазырламағы мөвҹуд вәзијјәтдән чыхыш јолу сандыг.
Нә гәдәр тәәҹҹүблү вә ејни заманда инандырыҹы олмаса да ҝәлән шикајәтләрә әсасән Самух рајонунда бир дәнә дә олсун мәсҹид јохдур. Бәли дүз охудуз, һәтта Самухун кәндләриндә белә ибадәтҝаһ тапмаг мүмкүн дејил. Вә шикајәтчиләрин билдирдијинә ҝөрә һәмин рајонун Зијадлы кәндиндәки мәсҹид јерли сакин тәрәфиндән өзәлләшдирилиләрәк ун дәјирманы кими истифадә олунур. Рајонун мәркәзиндәки Ымам Һүсејн (ә) адына олан мәсҹид вә онун әразиси исә башга бир вәтәндаша сатылараг өзәлләшдирилиб. Самухдакы мәсҹид конститусијаја әсасән тарихи абидә олараг мәдәнијјәт вә туризм назирлијиндән гејдијјата алынса да Инди һәмин гәдими мәсҹид тәһгир олунараг "ев саһиби" тәрәфиндән тојуг-ҹүҹә дамы кими истифадә олунур. Дәфәләрлә сакинләр тәрәфиндән, бу мәсҹидин ев саһибиндән ҝери гајтарылмасы истәнилсә дә амма самух РИҺ-ин бу мәсәләјә лагејд јанашылдығы билдирилир. Мәсҹиди гәсб едән һәмин шәхс исә мәсҹиди вә онун әразисини, јалныз она дөвләтин верәҹәји јени бир ев мүгабилиндә тәрк едәҹәјини билдириб. Бунунла белә ады чәкилән рајонда дөвләт тәрәфиндән јени мәсҹид бинасы да инша олунмајыб.
Алдығымыз мәлуматлара әсасән јухарыда гејд олунан мәсҹидин һәр икиси дә тарихи абидәдир . Зијадлы кәндиндәки гәдим мәсҹидин тарихини дәгиг өјрәнә билмәсәк дә, алдығымыз мәлуматлара ҝөрә рајондакы мәсҹидин 18-ҹи әсрә аид олдуғу билдирилир. Һәмчинин Самух РИҺ-ин "Ҝәләҹәк планлар" адлы сијаһысында, рајонда мәсҹидин тикилмәси нәзәрдә тутулмајыб.
Шикајәтчиләрин билдирдикләринә әсасән, рајон сакинләри дәфәләрлә рајон иҹра башҹысына, президент апаратына вә Һејдәр Әлијев фондунун рәһбәри Меһрибан Әлијеваја шикајәт әризәси јазсалар да һеч бир фајдасы олмајыб. Белә ки, ады чәкилән дөвләт гурумларындан Самух РИҺ-ә бу шикајәтләрә бахмасы тапшырылса да, ики илдән чохдур ки, проблем олдуғу кими галмагдадыр.
Рајон сакинләри бунунла бағлы Гафгаз мүсәлманлары идарәсинә шикајәт әризәси јазсалар да ҹаваб олараг онлара дејилиб ки, дин дөвләтдән ајры олдуғундан, дөвләт тәрәфиндән мәсҹидләрин иншасы үчүн ГМИ-ә һеч бир вәсаит ајрылмыр. Вә ГМИ Азәрбајҹанда олан 18 әдәд мәдрәсәјә ҝүҹлә пул чатдырыр ки, Бу пуллар исә зијарәтҝаһлардан "нәзир" һесабына јығылыр.
Самух диндарларындан биринә белә суал вердик ки, "бәс Самух диндарлары һарада ибадәт едир вә үзүмүзә ҝәлән гәдр ҝеҹәләрини һарада кечирәҹәкләр? " Ҹаваб ҝәлди ки, евини 3 ҝеҹәлик еһсан едән ахтарырлар вә ја бу әрәфәләрдә бир нәфәр дүнјасыны дәјишәрсә онун маҝарында еһја ҝеҹәси кечирмәји дүшүнүрләр. Бу ҹавабдан шока дүшүб һејрәтлә дедик ки, доғурданмы? Ҹавабымызда дедиләр, бәли, кечән ил гәдр ҝеҹәсини бу ҹүр кечирмишик. Нә гәдәр фаҹиәви олса да Самух рајонунда вәзијјәт бу ҹүр аҹынаҹаглы олараг галмагдадыр.
P.S: Шуша мәсҹиди ганичән ермәниләрин әлиндәдир дејә орда һејван сахланыр-Самух кимин әлиндәдир? Самух рајону ермәни ишғалындадыр?
Линкә бахын: http://www.youtube.com/watch?v=y7Uf_ZgcHY0
sizinyol.com бу проблемлә бағлы Самух рајону иҹра һакимијјәтинин мөвгејини дә дәрҹ етмәјә һазырыг.
Диггәт: Хәбәрдән истифадә етдикдә мәнбәјә истинад лазымдыр
