Әһли Бејт -АБНА- хәбәр аҝентлијинин вердији хәбәрә әсасән һазырда Франсада 2200 мәсҹид мөвҹуддур. Онларын әксәријјәти тиҹарәт јерләриндә, мүхтәлиф биналарын биринҹи мәртәбәләриндә намаз гылмаг үчүн ајрылан әразидә мәсҹид кими фәалијјәт ҝөстәрир. Һәмин јерләрдә јалныз мәһдуд сајда адамын ибадәт етмәси үчүн шәраит вар.
Мәсҹид үчүн ајрылмыш јерләрин һәр биринин үмуми саһәси 100 квадратметрдән артыгдыр. Үмуми гајдаја ҝөрә, Франсада намаз гылан ики нәфәрә бир квадратметр саһә дүшүр. Һазырда өлкәдә фәалијјәт ҝөстәрән мәсҹидләрин үмуми саһәси 300 мин квадратметрә јахындыр. Франсада истәр саһәсинә, истәрсә дә намаз гыланларын сајына ҝөрә ән бөјүк мәсҹид Парисин В рајонунда јерләшән Бөјүк Мәсҹид һесаб олунур. Јеҝанә минарәли бу мәсҹид 1924-ҹү илдә Әлҹәзаир һөкумәти тәрәфиндән ајрылмыш вәсаитин һесабына тикилиб.
Сон 20 илдә мүсәлманларын Франсаја ҝүҹлү ахыны мәсҹидләрә олан тәләбатыны артырыб. Һазырда өлкәнин мүхтәлиф реҝионларында јени 200 мәсҹид тикилир. Онларын тикинтиси үчүн вәсаитин бир һиссәси мүсәлман дөвләтләрин, онларын лидерләринин һәдијјәләри, диҝәр гисми исә мәсҹиди зијарәт едәнләрдән јығылан нәзирләрин һесабына топланыр.
P.S. Гејд әтмәк лазымдыр ки, Әлијевләр Гәрбин пис әмәлләринин әвәзинә мүсбәт аддымларын тәглид етсәләр даһа мәгсәдә ујғун оларды.
Диггәт: Хәбәрдән истифадә етдикдә мәнбәјә истинад лазымдыр
