Иранын нүвә алимләринин террор амили: Исраил

ҸБС каналынын америкалы журналисти вә “Армагедона гаршы ҹасуслар” китабынын мүәллифи Дан Риво Иранын нүвә алимләринин террор едилмәсиндә Исраилин бирбаша рола малик олмасы һагда даһа артыг деталлара ајдынлыг ҝәтириб.Дан Риво ҸНН каналы илә мүсаһибәдә сионист Исраил режиминин ҹасуслуг тәшкилаты Моссад-ын тәркибиндә Иранын нүвә алимләрини террор етмәк үчүн хүсуси террор бөлмәсинин олдуғуну ифша едәрәк, дејиб: Исраил индијә кими мүһарибә, санксија вә ја данышыглар кими сечимләр етмәјиб. Әксинә, Ирана гаршы мәхфи һәрәкәтләр һәјата кечириб ки, Теһранда һәјата кечирилән террор актлары бу һәрәкәтләрин бир һиссәсидир.Д.Риво өз китабында да Моссад-ын бир сыра террор фәалијјәтләринә о ҹүмләдән Бејрут вә Дәмәшгдә һәјата кечирдији террор актларына ишарә едәрәк, АБШ вә Исраилин ҹасуслуг амилләринин давамлы олараг Иранын нүвә програмынын инкишафыны јавашлатмаг үчүн бир-бириләри илә әмәкдашлыг етдикләрини билдириб. Бу әмәкдашлыглар “Стах.нет” кими компүтер вирусларынын һазырланмасы вә иранлы алимләр һагда информасија әлдә етмәк үчүн арашдырмаларын апарылмасыны әһатә едир.“Армагедона гаршы ҹасуслар” китабынын мүәллифи Исраил вә Американын Ирана гаршы компүтер һүҹумлары саһәсиндә әмәкдашлыг етмәләри һагда да дејиб: Исраилин Һәрби Кәшфијјат Идарәсинин нәздиндән Аман адлы бир груп фәалијјәт ҝөстәрир ки, бу груп АБШ-ын Милли Кәшфијјат Идарәси НСИ илә әмәкдашлыг едир вә бу әмәкдашлыг јолу илә бирҝә формада компүтер вируслары һазырланыр.АБШ вә Исраилин Ирана гаршы сијасәтләри бир сиккәнин ики үзүдүр. Чүнки, һәр икиси ејни јолда аддымлајырлар вә ејни мәгсәди изләјирләр.Обаманын дәфәләрлә Исраил рәсмиләринә әминлик вердији кими АБШ илә Исраил арасында ајрылмаз бағлар мөвҹуддур вә бу әмәкдашлыглар бу ҝерчәкликдән хәбәр верир.Һәгигәтдә демәк лазымдыр ки, Иранын реҝиондакы мүһүм вә тәсирли мөвгеји һәмчинин, Ислами Ојаныш кими әзәмәтли һәрәкатын формалашмасы вә АБШ-ын Јахын Шәрг сијасәтләринин мәғлубијјәтә уғрамасы, Исраилин вәзијјәти илә бағлы ниҝаранлыглар АБШ вә Исраил арасында анти-Иран бирлијинин даһа да мөһкәмләнмәсинә сәбәб олуб. Бахмајараг ки, Обама заһирдә Исраилин Ирана гаршы һәдәләри илә бирбаша формада ајаглашмаг јеринә, Иранла бағлы бүтүн сечимләрин маса үзәриндә олмасы сијасәтинә даһа чох үстүнлүк верир. Әлбәттә, АБШ јахшы билир ки, Ираны нүвә силаһы әлдә етмәкдә иттиһам етмәк ағ јаландан башга бир шеј дејил. Һәмчинин, Американын өзү НПТ протоколуну позан ән бөјүк тәрәфдир вә нүвә тәрксилаһы протоколуна әмәл етмәкдән чәкинмәклә јанашы, јени нәсил нүвә силаһларынын истеһсалы үчүн јүз милјардларла доллар вәсаит ајырыр. Америка һәмчинин Исраилин нүвә силаһлары әлдә етмәсиндә башлыҹа рола маликдир вә һал һазырда Исраил режими 300-дән чох нүвә башлығына малик олмагла Јахын Шәргдә јеҝанә нүвә тәһлүкәси сајылыр.Белә бир шәраитдә Исраил рәсмиләри бир тәрәфдән Ирана гаршы милитарист фикирләр сәсләндирмәк сијасәтини изләјир, диҝәр тәрәфдән исә АБШ илә иш бөлҝүсү апарараг, Иранын динҹ мәгсәдләр үчүн олан нүвә програмы гаршысында манеәләр јаратмаға чалышыр.Исраил башчылары АБШ илә аһәнҝдарлашдырылмыш сијасәтдә Иранын нүвә алимләрини террор едир вә “Стах.нет” кими компүтер вирусларындан истифадә едәрәк, Иранын инкишафына зәрбә вурмаг истәјир. Бу сијасәтин варлығыны тәсдиг едән бир нүмунә олараг демәк лазымдыр ки, Исраил режиминин хариҹи ишләр назири Авигдор Либерман ҹари илин февралында Америкаја олан сәфәри заманы демишди ки, Исраил бир чох сечимләрә маликдир.Исраилин сечимләриндән бири тәһдид вә террор факторундан истифадә етмәкдир. Инҝилтәрәдә чыхан “Сундај Телеҝрапһ” һәфтәлији бир мүддәт өнҹә Моссад ҹасуслуг тәшкилатынын Иранын нүвә алимләринин террор едилмәсиндәки ролуну ифша едәрәк, јазмышды: Исраилин ҹасуслуг тәшкилаты Моссад-ын кечмиш сәдри Мејр Доганын “Кидон” террор групунун үзвләри илә мәхфи иҹласында онлары Иранын нүвә алимләринин террор едилмәси планы илә таныш етмишди. 2 илдән аз бир мүддәтдә Иранын 4 нүвә алими вә университет мүәллими террор едилди.Иран Ислам Республикасынын БМТ-дәки даими нүмајәндәси вә сәфири Мәһәммәд Хәзаји БМТ-нин баш катибинә, Тәһлүкәсизлик Шурасынын сәдринә вә Гошулмајанлар Һәрәкатына үнванланмыш мәктубунда вурғуламышды ки, Иранын нүвә алимләринин террор едилмәсиндә хариҹи амилләрин ролу вар.