Әһли Бејт -АБНА- хәбәр аҝентлијинин вердији хәбәрә әсасән Түркијәнин һаким Әдаләт вә Инкишаф Партијасы (АКП) Конститусија Разылашдырма Комиссијасына дин вә виҹдан азадлығы тәклифини јазылы шәкилдә тәгдим едиб.
Тәклифдә дини иҹмаларын дин тәһсили верә биләҹәји, дин азадлығынын һеч бир вәҹһлә мәһдудлашдырылмајаҹағы өз әксини тапыб. “Стар” гәзетинин мүхбири Невин Билҝин сөзүҝедән дәјишикликләрин гәбул едиләҹәји тәгдирдә бунун иҹтимаи мәканларда башөртүјү проблеминин һәлли мәнасына ҝәләҹәјини дејиб.
ӘИП үзвләринин конститусијанын ХЫВ маддәсинә тәклиф етдикләри дүзәлишләрдә инсанларын тәкбашына вә ја күтләви шәкилдә ибадәт етмәк вә тәһсил алмаг һаггына малик олдуғунун өз әксини тапылдығы билдирилиб. Сөзүҝедән маддәдә һәр бир кәсин тәһсил алмаг һүгугуна малик олдуғу вә бу һаггын һеч бир шәхс вә ја гурум тәрәфиндән гаршысынын алына билмәјәҹәји вурғуланыб.
Түркијә мәтбуаты сөзүҝедән дәјишикликләрин гәбул едиләҹәји тәгдирдә өлкәдә һәлә дә раст ҝәлинән иҹтимаи мәканларда башөртүлү һалда тәһсил вә ја әмәк фәалијјәти гадағасынын бирдәфәлик арадан галхаҹағыны јазыб.
Диггәт: Хәбәрдән истифадә етдикдә мәнбәјә истинад лазымдыр
